మాస్ రాజా రవితేజ గతకొంత కాలంగా సరైన హిట్లు లేక సతమతమవుతున్నాడు.రవితేజ లాస్ట్ మూవీ ‘డిస్కో రాజా’ బాక్సాఫీస్ వద్ద డిజాస్టర్గా నిలవడంతో తన నెక్ట్స్ చిత్రాలతో ఎలాగైనా హిట్ కొట్టాలని చూస్తున్నాడు.
ఈ క్రమంలోనే పవర్ఫుల్ పోలీస్ ఆఫీసర్ పాత్రలో ‘క్రాక్’ అనే సినిమాతో మనముందుకు రాబోతున్నాడు రవితేజ.ఇక ఈ సినిమాను యంగ్ డైరెక్టర్ గోపీచంద్ మలినేని డైరెక్ట్ చేస్తుండటంతో ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి.
ఇక ఈ సినిమాను వేసవి కానుకగా రిలీజ్ చేయాలని చిత్ర యూనిట్ భావించింది.కానీ లాక్డౌన్ కారణంగా ఈ సినిమా రిలీజ్ వాయిదా పడింది.దీంతో థియేటర్లు తెరుచుకున్న వెంటనే ఈ సినిమాను రిలీజ్ చేసేందుకు చిత్ర యూనిట్ రెడీ అవుతోంది.ఇక ఈ సినిమా తరువాత తన నెక్ట్స్ చిత్రాలను కూడా లైన్లో పెట్టేందుకు రవితేజ రెడీ అవుతున్నాడు.
గతంలో ‘వీర’ చిత్రాన్ని తెరకెక్కించిన దర్శకుడు రమేష్ వర్మ డైరెక్షన్లో ఓ సినిమా చేసేందుకు రవితేజ ఓకే చెప్పాడు.ఇక ఈ సినిమాలో అందాల భామ రాశి ఖన్నా హీరోయిన్గా నటిస్తోందని చిత్ర యూనిట్ ఇప్పటికే ప్రకటించింది.
అయితే ఈ సినిమాలో మరో బోల్డ్ బ్యూటీ కూడా నటించబోతున్నట్లు తెలుస్తోంది.రన్ రాజా రన్ చిత్రంతో టాలీవుడ్లో హీరోయిన్గా ఎంట్రీ ఇచ్చిన అందాల భామ సీరత్ కపూర్ ఈ సినిమాలో సెకండ్ హీరోయిన్గా నటించబోతున్నట్లు తెలుస్తోంది.
ఇప్పటికే ఈ బ్యూటీ రవితేజతో ‘టచ్ చేసి చూడు’ చిత్రంలో నటించిన సంగతి తెలిసిందే.ఇప్పుడు మరోసారి ఈ బ్యూటీని తన చిత్రంలో తీసుకోవాలని రవితేజ రికమెండ్ చేయడంతో ఆమెను ఈ సినిమాలో తీసుకున్నట్లు చిత్ర యూనిట్ తెలిపింది.
ఇక ఈ సినిమాను వీలైనంత త్వరగా పట్టాలెక్కించేందుకు చిత్ర యూనిట్ రెడీ అవుతోంది.