కొందరు అభిమానులు తమ అభిమాన నటుడిని దేవుడి కంటే ఎక్కువగా పూజిస్తారు.దేవుడి స్థానంలో ఆ హీరోను పెట్టుకుని పూజించేలా కొందరు అభిమానిస్తూ ఉంటారు.
అలా చేసే వారిని చూస్తే బాబోయ్ మరీ ఇంత అభిమానమా అనిపించక మానదు.తాజాగా నందమూరి బాలకృష్ణను అభిమానించే ఒక ఫ్యాన్ చేసిన పని కూడా ప్రస్తుతం సోషల్ మీడియాలో వైరల్ అవుతుంది.
బాలకృష్ణ అభిమాని తన కొడుకు పెళ్లి సందర్బంగా పెళ్లి కార్డుపై బాలకృష్ణ ఫొటోను వేయించాడు.అయితే అతడు తెలుగు వ్యక్తి కాకపోవడం మరింత విడ్డూరం, కర్ణాటకకు చెందిన ఫ్యాన్ అవ్వడంతో ఈ వార్తకు మరింత ప్రాముఖ్యత చేకూరింది.
తెలుగు రాష్ట్రాల్లో బాలయ్యకు వీరాభిమానులు ఉంటారు అంటే సరే అనుకోవచ్చు.కాని బాలకృష్ణకు కర్ణాటకలో కూడా వీర వీర అభిమానులు ఉంటారు.సీడెడ్ స్థాయిలో కర్ణాటకలో బాలయ్య సినిమాలు వసూళ్లను దక్కించుకుంటాయి.తాజాగా కర్ణాటకకు చెందిన బాలకృష్ణ అభిమాని అయిన శ్రీనివాసులు తన కొడుకు పెళ్లి చేసేందుకు సిద్దం అయ్యాడు.
ఆయన కొడుకు పెళ్లి ఇన్విటేషన్ కార్డుపై బాలకృష్ణ ఫొటో అచ్చు వేయించాడు.మామూలుగా అయితే పెళ్లి కార్డుపై దేవుడి బొమ్మలు వేస్తారు.
కాని బాలకృష్ణపై అభిమానంతో పెళ్లి కార్డుపై బాలయ్య ఫొటో వేయించుకున్నాడు.
ఈనెల 13న జరుగబోతున్న పెళ్లికి నందమూరి అభిమానులు అంతా కూడా ఆహ్వానితులే అంటూ వేశాడు.బాలకృష్ణ అభిమానులు పెద్ద ఎత్తున తరలి వచ్చి తమ కొడుకును ఆశీర్వదించాలని శ్రీనివాసులు కోరడం జరిగింది.ఈ వింత ఇన్విటేషన్ కార్డును అందుకున్న జనాలు ఆశ్చర్యపోతున్నారు.
బాలయ్య కర్ణాటకలో కూడా ఏ స్థాయిలో జెండా పాతాడో ఈ సంఘటనతో అర్థం చేసుకోవచ్చు.అద్బుతమైన ఈ విషయం ప్రస్తుతం సినీ వర్గాల్లో చర్చనీయాంశం అవుతోంది.
.