5వ తరగతి బాలికపై ప్రిన్సిపాల్ అఘాయిత్యం.. ఉరిశిక్ష వేసిన కోర్టు..

ప్రిన్సిపాల్ కు అదే పాఠశాలలో ఉపాధ్యాయుడుగా పనిచేస్తున్న ఒక వ్యక్తి సహకరించాడు.ఆ ఉపాధ్యాయుడు బాలికను ఏదో వంక చెప్పి ప్రిన్సిపాల్ దగ్గరకు పంపించేవాడు.గదిలోకి వెళ్లిన ఆ బాలికపై ప్రిన్సిపాల్ అత్యాచారానికి పాల్పడేవాడు.

ఇలా అనేకసార్లు ఆ బాలికపై అఘాయిత్యం చేయడంతో ఆ బాలిక గర్భం దాల్చింది.

తలిదండ్రులు ఆ బాలికకు వాంతులు అవుతున్నాయని ఆసుపత్రికి తీసుకువెళ్లడంలో డాక్టర్ ఆమె గర్భవతి అని చెప్పడంతో తల్లిదండ్రులు ఒక్కసారిగా షాకయ్యారు.

ఆ బాలికను తల్లి ఏం జరిగిందని అడగగా ఆ బాలిక తల్లికి విషయం మొత్తం చెప్పింది.తల్లిదండ్రులు వెంటనే పోలీసులకు ఫిర్యాదు చేసారు.

ప్రిన్సిపాల్ బండారం బయటపడడంతో విద్యార్థుల తల్లిదండ్రులందరూ ఆ స్కూల్ పై దాడికి దిగారు.పోలీసులు ఆ స్కూల్ ను సీజ్ చేసారు.కోర్టు అనుమతితో ఆ బాలికకు గర్భాన్ని తొలగించారు.పోలీసులు నిందితులపై పోక్సో చట్టం కింద కేసు నమోదు చేసుకుని ప్రిన్సిపాల్, టీచర్ ను అదుపులోకి తీసుకున్నారు.

పాట్నా కోర్టు ఈ కేసు పై నిందితులకు శిక్ష విధించింది.ప్రిన్సిపాల్ ను దోషిగా నిర్ధారించి ఉరిశిక్ష విధించడంతోపాటు 15 లక్షల రూపాయల జరిమానా వేసింది.

అంతేకాదు ఈ ఘటనకు సహకరించిన ఉపాధ్యాయుడికి జీవిత ఖైదుతో పాటు 50 వేల రూపాయల జరిమానా కూడా విధించింది.ఈ జరిమానా డబ్బులను భాధితురాలైన బాలికకు ఇవ్వాలని కోర్టు ఆదేశించింది.