ప్రపంచంలో పెళ్లిల విషయంలో అమ్మాయి, అబ్బాయి నచ్చితే చాలు.దేశం, మతం ఏదైనా వివాహం చేసుకోవచ్చూ.
ఇలా ఎందరో తమ దేశాలవారిని కాకుండా ఇతర దేశస్తులను వివాహలు చేసుకున్నారు.ఈ విషయంలో ఏ దేశ ప్రభుత్వం కూడా అభ్యంతరం తెలుపదు.
కానీ సౌదీ ఆరేబియా మాత్రం ఇతర దేశాల మహిళలను వివాహం చేసుకునే విషయంలో తీసుకున్న నిర్ణయం సంచలనంగా మారింది.
ముఖ్యంగా పాకిస్థాన్, బంగ్లాదేశ్, చాద్, మాయన్మార్కి చెందిన మహిళలను అసలే వివాహం చేసుకోవద్దని ఈ దేశం ప్రకటించిన ఉత్తర్వుల్లో పేర్కొన్నట్టు పాక్ పత్రిక డాన్ వెల్లడించింది.
కాగా ఈ తాజా ఆదేశాల ప్రకారం ఈ దేశాల మహిళల్ని పెళ్లి చేసుకోవాడానికి కఠిన నిబంధనలు అడ్డొస్తాయని మక్కా పోలీస్ డైరెక్టర్ మేజర్ జనరల్ అసఫ్ అల్-ఖురేషీ అన్నట్టు మక్కా డైలీ పేర్కొందట.
ఇక ఇప్పటి వరకు సుమారుగా 5 లక్షల మంది మహిళలు ఈ నాలుగు దేశాలకు చెందిన వారు సౌదీ అరేబియాలో ఉంటున్నారట.
అయితే ఈ దేశంలో రోజు రోజుకు విదేశీ మహిళల్ని పెళ్లి చేసుకునేవారి సంఖ్య గణనీయంగా పెరుగుతుండటంతో సౌదీ ఆరేబియా ప్రభుత్వం ఈ కఠిన నిబంధనలను విధించినట్లు సమాచారం.