టాలీవుడ్ సూపర్ స్టార్ మహేష్ బాబు నటిస్తున్న లేటెస్ట్ మూవీ సర్కారు వారి పాట గురించిన అప్డేట్ను చిత్ర యూనిట్ నేడు సూపర్ స్టార్ కృష్ణ పుట్టినరోజును పురస్కరించుకుని అనౌన్స్ చేశారు.ఈ సినిమాకు సంబంధించిన ఈ అప్డేట్ కోసం మహేష్ ఫ్యాన్స్ చాలా ఆశగా ఎదురుచూశారు.
అయితే వారి ఎదురుచూపులకు పూర్తి న్యాయం చేస్తూ చిత్ర యూనిట్ అదిరిపోయే టైటిల్తో పాటు అదరొట్టే ప్రీలుక్ను రిలీజ్ చేశారు.
ఈ పోస్టర్లో మహేష్ లుక్ చాలా అల్ట్రా మోడ్రన్గా ఉండనుందనే విషయం మనకు తెలుస్తోంది.
కాగా ఈ సినిమాను గీతాగోవిందం చిత్ర దర్శకుడు పరశురామ్ డైరెక్ట్ చేస్తుండటంతో ఈ సినిమాపై అప్పుడే అంచనాలు క్రియేట్ అయ్యాయి.ఇక ఈ సినిమా ఎలాంటి కథత వస్తుందా, ఇందులో మహేష్ పాత్ర ఎలా ఉండబోతుందా అని అందరూ ఆసక్తిగా చూస్తున్నారు.
ఇక ఈ సినిమా షూటింగ్ ఎప్పుడు ప్రారంభిస్తారా అని అందరూ అనుకుంటుండగా, జూలై నెలలో ఈ సినిమాను పట్టాలెక్కించేందుకు మహేష్ అండ్ టీమ్ రెడీ అవుతోంది.
ప్రస్తుతం ఉన్న కరోనా పరిస్థితులు అప్పటివరకు కాస్త మెరుగుపడవచ్చని వారు ఆశిస్తున్నారు.
ఇక ఈ సినిమాలో హీరోయిన్, నటీనటులు ఎవరనే విషయంపై ఇంకా క్లారిటీ రావాల్సి ఉంది.మైత్రీ మూవీ మేకర్స్, జీఎంబీ ఎంటర్టైన్మెంట్స్, 14 రీల్స్ సంయుక్తంగా ఈ సినిమాను ప్రొడ్యూస్ చేస్తున్నారు.