బాలీవుడ్ ఇండస్ట్రీలో సినిమాల ద్వారా రికార్డులు క్రియేట్ చేయడంతో పాటు బిగ్ బాస్ షోకు హోస్ట్ గా వ్యవహరిస్తూ ఆ షో కోసం సల్మాన్ రికార్డు స్థాయిలో పారితోషికం తీసుకుంటున్నారు.ఎంతోమంది హీరోయిన్లతో ప్రేమాయణాల ద్వారా వార్తల్లో నిలిచిన సల్మాన్ ఖాన్ ప్రేమించిన హీరోయిన్లలో సంగీత బిజ్లానీ కూడా ఒకరు.
దాదాపు 10 సంవత్సరాల పాటు సంగీత బిజ్లానీతో సల్మాన్ ఖాన్ డేటింగ్ చేశారు.
కొన్నేళ్ల క్రితం సల్మాన్ ఖాన్, సంగీత పెళ్లి చేసుకుంటారని వార్తలు వచ్చాయి.
అయితే వేర్వేరు రీజన్స్ వల్ల సల్మాన్ సంగీతల పెళ్లి ఆగిపోయింది.ఆ తర్వాత సంగీత ప్రముఖ క్రికెటర్లలో ఒకరైన అజారుద్దీన్ ను పెళ్లి చేసుకోగా 2010 సంవత్సరంలో సంగీత అజారుద్దీన్ కు విడాకులు ఇచ్చారు.
తాజాగా సంగీత బిజ్లానీ ఒక ఇంటర్వ్యూలో మాట్లాడుతూ సల్మాన్ ఖాన్ తో తాను ఇప్పటికీ టచ్ లో ఉన్నానని చెప్పుకొచ్చారు.తాను, సల్మాన్ ఫ్రెండ్ షిప్ కు గౌరవం ఇస్తామని ఆమె తెలిపారు.
సల్మాన్ తో బ్రేకప్ అయిన తర్వాత కూడా తాను, సల్మాన్ మంచి ఫ్రెండ్స్ లా ఉన్నామని సంగీత చెప్పుకొచ్చారు.
తాను క్లోజ్ గా ఉండే వాళ్లలో మీనాక్షి శేషాద్రి కూడా ఒకరని తాను మీనాక్షి శేషాద్రి వరల్డ్ టూర్ కు వెళ్లామని సంగీత వెల్లడించారు.విడిపోయినా తాను సల్మాన్ ఫ్రెండ్స్ అంటూ సంగీత చేసిన కామెంట్స్ వైరల్ అవుతుండగా నెటిజన్లు ఈ కామెంట్లపై భిన్నాభిప్రాయాలు వ్యక్తం చేస్తున్నారు.
సోషల్ మీడియాకు తాను కృతజ్ఞతలు చెప్పుకుంటున్నానని సోషల్ మీడియా వల్ల తాను మోడలింగ్ రోజుల నుంచి పరిచయమైన పాత ఫ్రెండ్స్ తో టచ్ లోకి రావడం సాధ్యమైందని సంగీత అన్నారు.పెళ్లికి ముందు సినిమాలతో బిజీగా ఉన్న సంగీత పెళ్లి తర్వాత సినిమాల నుంచి విరామం తీసుకున్నారు.