స్టార్ హీరోయిన్ సమంత చివరిగా ఓ బేబీ సినిమాతో ప్రేక్షకుల ముందుకి వచ్చింది.పెళ్లి తర్వాత ఆచితూచి అడుగులు వేస్తున్న సమంత సినిమాల ఎంపికలో కూడా కథా ప్రాధాన్యత చూసుకుంటుంది.
ఒకప్పటిలా రెగ్యులర్ కమర్షియల్ సినిమాలు జోలికి పోకుండా కొత్తదనం ఉన్న కథలు ఎంచుకుంటుంది.ఈ నేపధ్యంలో తెలుగులో మరో లేడీ ఒరియాంటెడ్ సినిమాకి సమంత ఒకే చెప్పింది.
దీనిని సోనీ పిక్చర్స్ పాన్ ఇండియా రేంజ్ లో తెరకెక్కించే పనిలో పడ్డారు.ఇదిలా ఉంటే మరో వైపు ఈ అమ్మడు తమిళంలో విజయ్ సేతుపతి హీరోగా విఘ్నేశ్ శివన్ దర్శకత్వంలో తెరకెక్కబోయే సినిమాలో కథానాయికగా నటించడానికి ఒకే చెప్పింది.
ఇందులో మరో హీరోయిన్ గా నయనతార చేస్తుంది.
ఈ సినిమా విషయంలో సమంత ఓ నిర్ణయం తీసుకుంది.
సినిమాలో పాత్ర నచ్చడంతో తన మార్కెట్ రేటును బాగా తగ్గించుకుని సినిమా చేస్తోంది.ఈ చిత్రంలోని పాత్ర సమంతకు బాగా నచ్చేసిందట.
అయితే ఆ సినిమా బడ్జెట్టు తక్కువ కావడంతో నిర్మాతలని రెమ్యూనరేషన్ డిమాండ్ చేయకుండా వారు ఇచ్చే మొత్తాన్ని తీసుకోవడానికి ఒకే చెప్పిందని తెలుస్తుంది.ఈ చిత్రం షూటింగ్ డిసెంబర్ నుంచి మొదలవుతుందని తెలుస్తోంది.
మరి తమిళంలో చాలా గ్యాప్ తర్వాత చేస్తున్న ఈ సినిమా సమంతకి ఎంత వరకు ఇమేజ్ ని పెంచుతుంది అనేది చూడాలి.
.
