భారతదేశంలో రాజకీయ నేతల కన్న సినిమా యాక్టర్స్ కు, క్రికెటర్స్ కు తెగ ఫ్యాన్ ఫాలోయింగ్ ఉంటుంది.ఇది కేవలం భారతదేశంలో ఒక ప్రాంతానికి సంబంధించిన విషయం మాత్రమే కాదు.
ఏ రాష్ట్రం తీసుకున్న ఇలానే ఉంది పరిస్థితి.ఇక మన తెలుగు రాష్ట్రాల్లో విషయాల్లో కూడా అనేకమంది సినిమా స్టార్స్ ను తెగ ఫాలో అయిపోతున్నారు.
అయితే సినిమా స్టార్స్ కూడా కొందరు సామాజిక సేవలో కూడా పాల్గొని మంచి పేరు తెచ్చుకున్న వారు ఎందరో.ఈ కోవకే చెందిన వ్యక్తులలో మెగాస్టార్ కోడలు ఉపాసన కూడా ఒకటి.
ఈవిడ అనేక సేవా కార్యక్రమాల్లో ముందుండి అనేకమందికి సహాయం చేస్తుంది.అంతేకాదు మంచి బిజినెస్ ఉమెన్ గా కూడా పేరు తెచ్చుకుంది.
ఇక అలాగే అక్కినేని కోడలు సమంతా కూడా అనేక సేవా కార్యక్రమాలలో పాలుపంచుకుంటూనే ఉంటుంది.అంతేకాదు దక్షిణాది చిత్ర పరిశ్రమలో మంచి నటిగా సమంత గుర్తింపు తెచ్చుకున్న తర్వాత నాగచైతన్య ను పెళ్లి చేసుకొని అక్కినేని కోడలు స్థిరపడిపోయింది.
ఇక అసలు విషయంలోకి వెళితే తాజాగా సమంత ఉపాసన కలిసి ఆరోగ్యమైన జీవనశైలిని అందించడానికి అని ‘ యువర్ లైఫ్ డాట్ కాం , అనే వెబ్సైట్ ను మొదలు పెట్టేశారు.
ఇక ఈ వెబ్సైట్ ద్వారా ప్రజలకు ఆరోగ్య సూత్రాలతో కూడిన ఆహారం ఎలా తీసుకోవాలి, ఎలాంటి వ్యాయామాలు చేయాలి అనే వాటిపై వీరిద్దరూ అవగాహన కల్పిస్తున్నారు.
ఇకపోతే ఈ వెబ్సైట్ కు సంబంధించి అక్కినేని సమంత గెస్ట్ ఎడిటర్ గా పని చేస్తున్నట్లు ఉపాసన తెలియజేసింది.ఇక తాజాగా సమంత బ్రౌన్ రైస్ తో టమాటా రైస్ ఎలా తయారు చేయాలో వివరించింది.
ఈ కార్యక్రమంలో సమంత ఉపాసన ఇద్దరు పాల్గొన్నారు.ఇందులో సమంతా ప్రతిరోజు వైట్ రైస్ బదులు బ్రౌన్ రైస్ తీసుకుంటున్నట్లు చెప్పారు.
ఇకపోతే ఈ కార్యక్రమం జరుగుతున్నంత సేపు వీరిద్దరు ఎక్కువగా తమిళ భాషలోనే మాట్లాడు కోవడం విశేషం.ఇక లాక్ డౌన్ సమయంలో సమంత అక్కినేని షూటింగ్స్ లేకపోవడంతో ఇంట్లోనే ఉండి సొంతంగా వ్యవసాయం చేసి కూరగాయల సాగు చేసిన విషయం అందరికీ విధితమే.
