స్టార్ బ్యూటీ సమంత ఇటీవల జాను అనే సినిమాతో ప్రేక్షకుల ముందుకు వచ్చిన సంగతి తెలిసిందే.తమిళంలో సూపర్ హిట్ అయిన 96 చిత్రానికి తెలుగు రీమేక్గా జాను రావడంతో ఈ సినిమా కూడా బాక్సాఫీస్ వద్ద సూపర్ హిట్ అవుతుందని అందరూ అనుకున్నారు.
కానీ సినిమా రిలీజ్ తరువాత బాక్సాఫీస్ వద్ద బొక్కబోర్లా పడింది ఈ సినిమా.దీంతో సమంత తెలుగులో మరో సినిమాను ఓకే చేయలేదు.
అయితే తమిళంలో మాత్రం ఈ బ్యూటీ రెండు సినిమాలను ఓకే చేసింది.తమిళంలో విలక్షణ నటుడు విజయ్ సేతుపతి, అందాల భామ నయనతారలతో కలిసి సమంత ఓ ట్రయాంగిల్ ‘లవ్ స్టోరి’ని ఓకే చేసింది.
ఈ సినిమాను విఘ్నేష్ శివన్ డైరెక్ట్ చేస్తున్నాడు.అయితే ఈ సినిమా నుండి ఇప్పుడు సమంత బయటకొచ్చేసినట్లు తెలుస్తోంది.దీనికి ఆమె వ్యక్తిగత జీవితానికి సంబంధించిన అంశమే కారణమని తెలుస్తోంది.
సామ్ ఇటీవల ప్రెగ్నెంట్ అయ్యిందని, అందుకే ఈ సినిమా నుండి వాకౌట్ చేసినట్లు తెలుస్తోంది.
కానీ ఇదంతా కేవలం పుకారేనని, సమంత ఈ సినిమాలో నటిస్తుందని కోలీవుడ్ వర్గాలు అంటున్నాయి.మరి ఇందులో ఎంతవరకు నిజం ఉందో తెలియాలంటే చిత్ర యూనిట్ నుండి అఫీషియల్ అనౌన్స్మెంట్ రావాల్సి ఉంది.