సమంత భరణం తీసుకోకపోవడానికి వెలుగులోకి మరో కారణం.. అతని ఆదాయం తగ్గడంతో?

స్టార్ హీరోయిన్ సమంత హీరో నాగచైతన్య నుంచి భరణం తీసుకోవడం లేదనే సంగతి తెలిసిందే.సమంత చైతన్య నుంచి భరణం తీసుకోకపోవడానికి వేర్వేరు కారణాలు ప్రచారంలోకి వచ్చాయి.

ముఖ్యంగా అగ్రిమెంట్ వల్ల సమంత భరణం తీసుకోవడం లేదనే కామెంట్లు వినిపించాయి.సాధారణంగా సెలబ్రిటీలు విడిపోయిన సమయంలో భారీ మొత్తంలో భరణం తీసుకోవడం జరుగుతుందనే సంగతి తెలిసిందే.

టాలీవుడ్ ఇండస్ట్రీలో అందమైన జంటగా చైతన్య సమంత పేరును సొంతం చేసుకున్నారు.2017 సంవత్సరంలో చైతన్య, సమంతలకు వివాహం జరగగా నాలుగు సంవత్సరాలు కాకముందే వీళ్లిద్దరూ విడాకుల దిశగా అడుగులు వేయడం గమనార్హం.చైతన్య సమంత విడిపోయిన తర్వాత వాళ్ల గురించి ఎన్నో కథనాలు ప్రచారంలోకి వచ్చాయి.సమంత పరువుకు భంగం కలిగించే కొన్ని కథనాలు సోషల్ మీడియాలో వైరల్ అయ్యాయి.

భరణం గురించి అనేక వార్తలు ప్రచారంలోకి రాగా సమంత ఆస్తుల విలువ ఏకంగా 100 కోట్ల రూపాయల వరకు ఉంటుందని ఆమెకు భరణం అవసరం లేదని సమాచారం.

మరోవైపు చైతన్య ఆదాయంతో పోలిస్తే సమంత ఆదాయమే ఎక్కువని తెలుస్తోంది.సమంతకు సినిమాలతో పాటు బ్రాండ్లను ప్రమోట్ చేయడం ద్వారా భారీగానే ఆదాయం దక్కుతోందని ఇండస్ట్రీ వర్గాల్లో వినిపిస్తోంది.

కుటుంబపరంగా చైతన్యకు ఆస్తులు ఉన్నప్పటికీ ఆ ఆస్తులు చైతన్య పేరుపై లేవని తెలుస్తోంది.చైతూ మార్కెట్ కూడా తెలుగుకే పరిమితం కావడంతో చైతన్య నుంచి సమంత భరణం తీసుకునే అవకాశాలు అయితే లేవని తెలుస్తోంది.మరోవైపు ఒక దశలో చైతన్య నటించిన సినిమాలు వరుసగా ఫ్లాప్ కావడంతో పాటు అతని మార్కెట్ పై తీవ్ర ప్రభావం పడిందనే విషయం తెలిసిందే.

మరోవైపు సమంత సోషల్ మీడియాలో యాక్టివ్ అవుతూ తనపై వ్యక్తమవుతున్న విమర్శలకు చెక్ పెట్టే దిశగా అడుగులు వేస్తుండటం గమనార్హం.