బుల్లితెర బిగ్గెస్ట్ రియాలిటీ షో బిగ్ బాస్ షోలో ఈ వారం అక్కినేని నాగార్జున కోడలు, స్టార్ హీరోయిన్ సమంత సందడి చేయనుంది.కొన్ని రోజుల నుంచి సమంత బిగ్ బాస్ షోను హోస్ట్ చేయనుందని వార్తలు వైరల్ కాగా స్టార్ మా ప్రోమోను విడుదల చేయడంతో సమంత ఎంట్రీ కన్ఫర్మ్ అయింది.
రేపు సాయంత్రం మూడు గంటల పాటు సమంత బిగ్ బాస్ హౌస్ లో సందడి చేయనుంది.
ప్రోమోలో “హాయ్, హల్లో, ఆదాబ్, నేను మీ నాగార్జున” అంటూ మొదట్లో మామ నాగార్జునను ఇమిటేట్ చేసిన సమంత .మామకు బదులుగా కోడలు పిల్ల సమంత బిగ్ బాస్ షోను హోస్ట్ చేయనున్నట్టు తెలిపింది.“ఈరోజు నాతో ఎంజాయ్మెంట్ మామూలుగా ఉండదు” అంటూ తాను నటించిన ఓ బేబీ సినిమాలోని డైలాగ్ చెప్పి సమంత మెప్పించింది.యూట్యూబ్ లో సమంత బిగ్ బాస్ ప్రోమోకు లక్షల సంఖ్యలో వ్యూస్, వేల సంఖ్యలో లైకులు వచ్చాయి. కొందరు నెటిజన్లు యూట్యూబ్ లో హోస్ట్ గా సమంత నాగార్జున ను మించిపోయిందంటూ కామెంట్లు పెడుతున్నారు.
గత సీజన్ లో నాగార్జున ఫ్యామిలీతో కలిసి విదేశాలకు వెళ్లగా ఆ సమయంలో రమ్యకృష్ణ హోస్ట్ చేశారు.ప్రస్తుతం నాగార్జున వైల్డ్ డాగ్ షూటింగ్ కోసం మనాలీలో ఉన్నారు.
మనాలీకి హైదరాబాద్ మధ్య దూరం ఎక్కువ కావడంతో నాగ్ స్థానంలో కోడలు పిల్ల సమంత వచ్చారు. సమంత ఎపిసోడ్ అదిరిపోయే టీఆర్పీ రేటింగ్ లను సొంతం చేసుకుంటుందని బిగ్ బాస్ నిర్వాహకులు భావిస్తున్నారు.
బిగ్ బాస్ సీజన్ 4 దసరా స్పెషల్ గా రాబోతున్న ఈ ఎపిసోడ్ కోసం బిగ్ బాస్ అభిమానులతో పాటు సాధారణ ప్రేక్షకులు కూడా ఆసక్తిగా ఎదురు చూస్తున్నారు.
