బాలీవుడ్ భామలకు టాలీవుడ్లో ఒక్క హిట్ సినిమా పడితే ఇక వారి పంట పండినట్లే.వారికి వరుసగా సినిమా ఆఫర్లు వచ్చి పడుతుంటాయి.
అయితే కొందరికి మాత్రం ఎంత ప్రయత్నించినా సినిమా ఆఫర్లు వరుసగా రావు.కానీ బాలీవుడ్కు చెందిన ఓ బ్యూటీ ఇంకా టాలీవుడ్లో ఒక్క సినిమా కూడా పూర్తి చేయకముందే వరుసబెట్టి ఆఫర్లు వచ్చిపడుతున్నాయి.
ఆమె మరెవరో కాదు, దబాంగ్ 3 చిత్రంతో ప్రేక్షకులను కట్టిపడేసిన సాయీ మంజ్రేకర్.
అందంతో పాటు అభినయంతోనూ ప్రేక్షకులను మెప్పించిన ఈ బ్యూటీ ప్రస్తుతం టాలీవుడ్లో అడవి శేష్ నటిస్తున్న మేజర్ చిత్రంలో నటిస్తోంది.
కాగా ఈ సినిమాలో హీరోయిన్గా నటిస్తున్న సాయీ మంజ్రేకర్కు మెగా ప్రిన్స్ వరుణ్ తేజ్ హీరోగా తెరకెక్కుతున్న బాక్సర్ చిత్రంలో కూడా హీరోయిన్గా ఎంపికైంది.అయితే ఈ సినిమాలతో పాటు మరో ఇద్దరు మెగా హీరోల సరసన హీరోయిన్గా సాయీ మంజ్రేకర్ ఎంపికయ్యే ఛాన్స్ ఉన్నట్లు తెలుస్తోంది.
స్టైలిష్ స్టార్ అల్లు అర్జున్ తన నెక్ట్స్ చిత్రాన్ని దర్శకుడు కొరటాల శివ దర్శకత్వంలో తెరకెక్కనున్న సినిమాలో కూడా ఈ బ్యూటీని హీరోయిన్గా తీసుకోవాలని చూస్తున్నారు.
అంతేగాక పవర్ స్టార్ పవన్ కళ్యాణ్ దర్శకుడు సురేందర్ రెడ్డి డైరెక్షన్లో నటించబోయే సినిమాలో కూడా ఈ బ్యూటీనే హీరోయిన్గా తీసుకోవాలని చిత్ర యూనిట్ భావిస్తోంది.
దీంతో ఈ బ్యూటీ నటించిన ఒక్క సినిమా కూడా రిలీజ్ కాకముందే ఇలా వరుసబెట్టి మెగా హీరోల ఆఫర్లు వస్తుండటంతో అందరూ అవాక్కవుతున్నారు.అయితే అమ్మడు తొలి సినిమా రిలీజ్ అయ్యాక, ఆ సినిమా రిజల్ట్ను బట్టే తరువాత సినిమాల ఛాన్సులు ఉంటాయని సినీ క్రిటిక్స్ అంటున్నారు.
మరి ఈ బాలీవుడ్ బ్యూటీ టాలీవుడ్లో ఎలాంటి గుర్తింపును తెచ్చుకుంటుందో చూడాలి.