టాలీవుడ్ ఫీల్ గుడ్ చిత్రాల దర్శకుడు శేఖర్ కమ్ముల డైరెక్ట్ చేస్తున్న తాజా చిత్రం లవ్స్టోరి రిలీజ్కు రెడీ అయ్యింది.అక్కినేని నాగచైతన్య, అందాల భామ సాయి పల్లవి జంటగా నటిస్తున్న ఈ సినిమాను పూర్తి రొమాంటిక్ ఎంటర్టైనర్గా తెరకెక్కిస్తున్నాడు శేఖర్ కమ్ముల.
మెజారిటీ షూటింగ్ పూర్తి చేసుకున్న ఈ సినిమాకు సంబంధించిన ఫస్ట్ లుక్ పోస్టర్స్, టీజర్ ప్రేక్షకుల్లో మంచి అంచనాలను క్రియేట్ చేసింది.
కాగా ఈ సినిమాకు సంబంధించి తాజాగా ఓ ఇంట్రెస్టింగ్ వార్త సోషల్ మీడియాలో చక్కర్లు కొడుతోంది.
ఈ సినిమాలో సాయి పల్లవి పాత్ర ఫిదా మాదిరిగా ఉంటుందని తెలుస్తోంది.అంటే లవ్ స్టోరి చిత్రంలో కూడా సాయిపల్లవి పాత్రకే ఎక్కువ ప్రాధాన్యత ఉండనుందని తెలుస్తోంది.
కాగా నాగచైతన్య పాత్రకు ప్రాధాన్యత ఉండదని, ఈ సినిమా కూడా సాయి పల్లవి పేరుపై నడుస్తుందని, సినిమా హిట్ అయితే ఆ క్రెడిట్ మొత్తం ఆమెకే వెళ్లనుందని పలువురు కామెంట్ చేస్తున్నారు.
మరి ఈ వార్తలో ఎంతవరకు నిజం ఉందో తెలియాలంటే మాత్రం సినిమా రిలీజ్ అయ్యే వరకు ఆగాల్సిందే.
ఇక ఈ సినిమాను వీలైనంత త్వరగా రిలీజ్ చేయాలని చిత్ర యూనిట్ భావిస్తోంది.