కేజీఎఫ్‌ సినిమాను తెలుగులో సాయి కొర్రపాటి డబ్‌ చేసిన విషయం తెల్సిందే.ఇక్కడ పెద్ద ఎత్తున ఆయనకు లాభాలు తెచ్చి పెట్టింది.
పెట్టిన మొత్తంకు డబుల్‌ వచ్చినట్లుగా వార్తలు వచ్చాయి.ఇక కేజీఎఫ్‌ 2 ను కూడా ఆయన్నే తీసుకోమంటూ నిర్మాతలు కోరారట.
కేజీఎఫ్‌ 2కు ఉన్న బజ్‌ నేపథ్యంలో తెలుగు రీమేక్‌ రైట్స్‌ను పాతిక కోట్లకు అమ్మాలని భావించారు.కాని సాయి కొర్రపాటి అందుకు ఆసక్తిగా లేడని తెలుస్తోంది.
కేజీఎఫ్‌ 2 చిత్రంను తెలుగులో అంత మొత్తంకు కొనుగోలు చేస్తే వర్కౌట్‌ అయ్యేనా లేదా అనే అనుమానాలు వ్యక్తం అవుతున్నాయి.అందుకే సాయి కొర్రపాటి ధైర్యం చేయలేక పోతున్నట్లుగా గుసగుసలు వినిపిస్తున్నాయి.
ఈ సమయంలోనే టాలీవుడ్‌ ప్రముఖ నిర్మాత ఈ సినిమాను అంత మొత్తంకు కొనుగోలు చేసేందుకు ముందుకు వచ్చాడు.ఈ విషయంలో చర్చలు కూడా దాదాపుగా పూర్తి అయినట్లుగా సమాచారుం అందుతోంది.
కేజీఎఫ్‌ 2 చిత్రం దేశ వ్యాప్తంగా భారీ మొత్తానికి అమ్ముడు పోయింది.కేవలం థియేట్రికల్‌ రైట్స్‌ ద్వారా 250 కోట్ల వరకు రాబట్టినట్లుగా తెలుస్తోంది.ఇప్పటి వరకు ఏ కన్నడ సినిమా ఇంతటి భారీ మొత్తాన్ని రాబట్టలేదు అంటున్నారు.హిందీలో ఈ సినిమా 150 కోట్ల టార్గెట్‌తో రంగంలోకి దిగబోతుంది.మరి అది ఎంత వరకు సాధ్యం అయ్యేనో చూడాలి.
తెలుగు వార్త విశేషాలు సులభముగా తెలుసుకోండి!!!!
