టాలీవుడ్ యంగ్ హీరోల్లో మోస్ట్ ఎలిజిబుల్ బ్యాచిలర్ల జాబితాను పరిశీలిస్తే అందులో సాయిధరమ్ తేజ్ ముందువరసలో ఉంటారు.చాలారోజుల నుంచి సాయిధరమ్ తేజ్ పెళ్లి గురించి వార్తలు వైరల్ అవుతున్నాయి.
నిహారిక నిశ్చితార్థం తరువాత సాయిధరమ్ తేజ్ కు కూడా పెళ్లి కుదిరిందని త్వరలోనే అధికారికంగా ప్రకటన రావచ్చని వార్తలు వెలువడ్డాయి.అయితే తాజాగా తెలుస్తున్న సమాచారం ప్రకారం ఆ వార్తల్లో ఎలాంటి నిజం లేదని తెలుస్తోంది.
స్వయంగా సాయిధరమ్ తేజ్ వైరల్ అవుతున్న పెళ్లి వార్తల గురించి తనకు పెళ్లి కుదిరిందని వైరల్ అయిన వార్తలో నిజం లేదని స్పష్టతనిచ్చారు.అయితే పెళ్లికూతురును వెతికే పనిలో కుటుంబ సభ్యులు బిజీగా ఉన్నారని.
త్వరలోనే గుడ్ న్యూస్ చెప్పే అవకాశాలు అయితే ఉన్నాయని అన్నారు.లాక్ డౌన్ సమయంలో చాలామంది హీరోలు, హీరోయిన్లు పెళ్లి చేసుకోవడానికి గ్రీన్ సిగ్నల్ ఇవ్వడంతో పెళ్లి కాని హీరోహీరోయిన్లను అభిమానులు ఎప్పుడు పెళ్లి చేసుకుంటారని ప్రశ్నిస్తున్నారు.
సాయిధరమ్ తేజ్ కు చేసుకోబోయే అమ్మాయి ఎవరో ఫిక్స్ అయినప్పటికీ నిహారిక పెళ్లి వల్ల ఆ విషయాలను వెల్లడించడం లేదని కూడా జోరుగా ప్రచారం సాగడం గమనార్హం.సాయిధరమ్ తేజ్ అమ్మాయి బావుంటే మంచి సంబంధం తీసుకొస్తే అప్పుడే పెళ్లి గురించి ఆలోచిస్తానని.
ప్రస్తుతానికైతే పెళ్లి గురించి పెద్దగా ఆసక్తి లేదని.కుటుంబ సభ్యులు మాత్రం గట్టిగా పట్టుబట్టడంతో పెళ్లి సంబంధాలు చూడటానికి మాత్రం ఒప్పుకున్నానని అన్నారు.
అయితే ఈ ఏడాది సాయిధరమ్ తేజ్ పెళ్లి జరగకపోయినా అమ్మాయిని వెతికే పనిలో కుటుంబ సభ్యులు బిజీ కావడంతో వచ్చే ఏడాది సాయిధరమ్ తేజ్ పెళ్లి జరగవచ్చని అభిమానులు భావిస్తున్నారు.మరోవైపు గతేడాది ప్రతిరోజూ పండగే లాంటి బ్లాక్ బస్టర్ హిట్ ను తన ఖాతాలో వేసుకున్న సాయిధరమ్ తేజ్ నటించిన సోలో బ్రతుకే సో బెటర్ సినిమా త్వరలో విడుదల కానుంది.