మనం జీవిస్తున్న ఈ ప్రపంచంలో 75 వేల కోట్ల జీవరాశులు ఉన్నాయని మన మన పురాణాలు చెబుతున్నాయి.అయితే మన కంటికి కనిపించేవి మాత్రం వందల సంఖ్యలోనే ఉంటాయి.
ఇక కంటికి కనిపించని అతి సూక్షం జీవులతో పాటు సముద్రంలో కొన్ని వేల కోట్ల జీవరాశులు ఆవాసంగా చేసుకొని జీవనం సాగిస్తున్నాయి.అప్పుడప్పుడు వాటిలో అరుదైన జీవులు కనిపిస్తూ ఉంటాయి.
అవి కూడా కొన్ని సముద్రాలలోనే కనిపిస్తాయి.తాజాగా అలాంటి అరుదైన సముద్ర జీవిని రష్యాకి చెందిన సముద్ర జీవులపై అధ్యయనం చేసే శాస్త్రవేత్త గుర్తించారు.
ఈ జీవి విచిత్రమైన ఆకారంతో అతనిని ఆశ్చర్యపరిచింది.దీంతో సముద్రంలో దానిని ఫోటోని తీసి సోషల్ మీడియాలో షేర్ చేశారు.
అది కాస్తా ఇప్పుడు వైరల్ అయ్యింది.
అలెగ్జాండర్ సెమెనోవ్ అనే శాస్త్రవేత్త వెన్నెముక లేని జీవజాలంపై స్పెషలైజేషన్ చేశాడు.
మాస్కో స్టేట్ యూనివర్సిటీకి చెందిన వైట్ సీ బయోలాజికల్ స్టేషన్ డైవర్ల బృందానికి నాయకుడుగా ఉన్నాడు. సముద్రాల్లో ప్రతికూల పరిస్థితుల్లో సైతం పరిశోధనలు సాగించే సెమెనోవ్ ప్రొఫెషనల్ ఫొటోగ్రాఫర్ గా సముద్ర జీవుల ఫోటోలు తీస్తూ ఉంటాడు.
రష్యాలోని తెల్ల సముద్రంలో మంచు ఫలకాల అడుగుభాగాన ఓ అద్భుతమైన జీవిని సెమెనోవ్ క్లిక్ మనిపించాడు. సముద్ర దేవతగా అభివర్ణించే ఈ జీవిని అత్యున్నత నాణ్యతతో ఫొటో తీశాడు.
ఆ ఫొటోలను తన ఫేస్ బుక్ అకౌంట్ ద్వారా పంచుకున్నాడు.సముద్ర దేవతలు ఎంతో అందమైనవే అయినా, అంతుచిక్కని జీవులని పేర్కొన్నాడు.
న్యూరో బయాలజీలో ఎక్కువగా అధ్యయనం చేసే వీటిని టెరోపోడ్ మోలుస్క్ అని పిలుస్తారని తెలిపాడు. అయితే వాటి జీవితచక్రం గురించి తెలిసింది చాలా తక్కువ అని సెమెనోవ్ పేర్కొన్నాడు.