కండల కోసం అడ్డదారి తొక్కాడు.. ప్రాణాలమీదకు తెచ్చుకున్నాడు

రష్యాకు చెందిన 23 ఏళ్ల బాడీ బిల్డర్ కిరిల్ తెరేషిన్ తన కండరాలు పెద్దగా కనిపించేందుకు అడ్డదారిలో వాటికి పెట్రోలియం జెల్లీని ఎక్కించాడు.అయితే ఇది అతడి ప్రాణాల మీదకు వచ్చింది.దీంతో అతడి నకిలీ కండను తొలగించకపోతే అతడి ప్రాణాలకే ప్రమాదం అని డాక్టర్లు తెలిపారు.

అతడి చేతులు పడిపోయి ప్రాణాప్రాయ స్థితికి చేరుకునే ప్రమాదం ఉందని వైద్యులు హెచ్చరిస్తున్నారు.కాగా దాదాపు రెండు గంటలపాటు శ్రమించిన వైద్యులు కిరిల్ కండరాలను తొలగించారు.

ఇంకా అతడి కండరాలకు కొన్ని సర్జరీలు చేయాల్సి ఉందని వైద్యులు తెలిపారు.ఏదేమైనా కండలు పెంచాలని చూసిన కిరిల్‌కు కాస్తలో దండ పడేదని నెటిజన్లు అతడిని విమర్శిస్తున్నారు.కండలు రావాలంటే కష్టపడాలి కానీ ఇలా అడ్డదారిలో తెచ్చుకుంటే ప్రాణాలు గాలిలో కలవడం ఖాయమని వారు హితవు పలుకుతున్నారు.