దర్శకధీరుడు రాజమౌళి తెరకెక్కిస్తున్న ప్రెస్టీజియస్ మల్టీస్టారర్ మూవీ ఆర్ఆర్ఆర్ కోసం యావత్ తెలుగు ప్రేక్షకులు ఎంతో ఆసక్తిగా చూస్తున్నారు.ఈ సినిమా ఎప్పుడెప్పుడు రిలీజ్ అవుతుందా అని వారు ఎదురుచూస్తున్నారు.
ఈ సినిమాలో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ కలిసి నటిస్తుండటంతో ఈ సినిమాపై మొదట్నుండీ భారీ అంచనాలు క్రియేట్ అయ్యాయి.
ఇక ఈ సినిమాకు సంబంధించి ఎప్పుడు ఎలాంటి అప్డేట్ వచ్చినా వదలకుండా ఫాలో అవుతున్నారు ప్రేక్షకులు.
ముఖ్యంగా ఈ సినిమా ఫస్ట్ లుక్ పోస్టర్ ఎప్పుడు వస్తుందా అని వారు కళ్లల్లో వత్తులు వేసుకుని చూస్తున్నారు.అయితే ఫస్ట్ లుక్ పోస్టర్ విషయంలో చిత్ర యూనిట్ నుండి ఎలాంటి న్యూస్ రాకపోయినా, సినిమా రిలీజ్పై మాత్రం తాజాగా ఓ వార్త సోషల్ మీడియాలో చక్కర్లు కొడుతోంది.
ముందుగా ఈ సినిమాను ఎట్టిపరిస్థితుల్లో జూలై 30న రిలీజ్ చేస్తామని గొప్పలు చేప్పిన రాజమౌళి, ఇప్పుడు ఈ సినిమా రిలీజ్ డేట్ను వాయిదా వేసినట్లు తెలుస్తోంది.అక్టోబర్ నెలలో ఈ సినిమాను దసరా కానుకగా రిలీజ్ చేసేందుకు జక్కన్న ఆసక్తి చూపుతున్నట్లు తెలుస్తోంది.
ఆర్ఆర్ఆర్ కోసం ప్రేక్షకుల ఆశలపై మళ్లీ నీళ్లు పోశాడు రాజమౌళి అంటూ ఉసూరుమంటున్నారు తారక్ మరియు చరణ్ ఫ్యాన్స్.