టాలీవుడ్‌లో తెరకెక్కుతున్న ప్రెస్టీజియస్ మల్టీస్టారర్ మూవీ ఆర్ఆర్ఆర్ కోసం యావత్ ప్రేక్షకులు ఎంతో ఆసక్తిగా ఎదురుచూస్తున్నారు.ఈ సినిమాతో మరోసారి బాక్సాఫీస్‌ను షేక్ చేసేందుకు దర్శకధీరుడు రాజమౌళి రెడీ అవుతున్నాడు.
అయితే ఈ సినిమాలో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్‌లు కలిసి నటిస్తుండటంతో ఈ సినిమా ఎలాంటి విజయాన్ని అందుకుంటుందా అని అందరూ ఆసక్తిగా చూస్తున్నారు.కాగా ఈ సినిమా షూటింగ్ కరోనా కారణంగా వాయిదా పడిన సంగతి తెలిసిందే.
కాగా ఇటీవల సినిమా షూటింగ్‌లు తిరిగి ప్రారంభం కావడంతో ఆర్ఆర్ఆర్ చిత్ర షూటింగ్‌ను కూడా జక్కన్న అండ్ టీమ్ ఇటీవల ప్రారంభించారు.దీంతో ఈ సినిమా షూటింగ్ నిర్విరామంగా సాగుతుందని అందరూ అనుకున్నారు.
అయితే అందరినీ అవాక్కయ్యేలా చేస్తూ ఈ సినిమా షూటింగ్‌కు బ్రేక్ ఇచ్చేశారు చిత్ర యూనిట్.తారక్, రామ్ చరణ్‌లు కలిసి ఈ షూటింగ్‌లో పాల్గొన్న సంగతి తెలిసిందే.
అయితే ఈ షూటింగ్‌లో కేవలం తారక్‌కు సంబంధించిన టీజర్ కోసం చిత్రీకరణ జరిపినట్లు తెలుస్తోంది.ఈ సినిమాలో ఎన్టీఆర్ కొమురం భీం పాత్రలో నటిస్తుండగా, మెగా పవర్ స్టార్ రామ్ చరణ్ అల్లూరి సీతారామరాజు పాత్రలో నటిస్తున్నాడు.
పీరియాడిక్ ఫిక్షన్ సినిమాగా రాజమౌళి ఈ సినిమాను అత్యంత ప్రతిష్టాత్మకంగా తెరకెక్కిస్తున్న సంగతి తెలిసిందే.కాగా ఈ సినిమాలోని రామరాజు టీజర్‌కు ఎలాంటి రెస్పాన్స్ వచ్చిందో అందరికీ తెలిసిందే.
ఈ సినిమాలో బాలీవుడ్ నటుడు అజయ్ దేవ్గన్ ముఖ్య పాత్రలో నటిస్తున్నాడు.బాలీవుడ్ బ్యూటీ ఆలియా భట్, ఒలివియా మారిస్‌లు ఈ సినిమాలో హీరోయిన్లుగా నటిస్తున్నారు.
కాగా ఈ సినిమాలోని ఎన్టీఆర్ టీజర్‌ను అక్టోబర్ 22న రిలీజ్ చేస్తున్నట్లు జక్కన్న అండ్ టీమ్ ఇప్పటికే ప్రకటించిన సంగతి తెలిసిందే.
