టాలీవుడ్ జక్కన్న రాజమౌళి ఆర్ ఆర్ ఆర్ ను మొదలు పెట్టి దాదాపుగా నాలుగు సంవత్సరాలు అవుతుంది.అయినా ఇప్పటి వరకు విడుదల తేదీ విషయంలో క్లారిటీ ఇవ్వడం లేదు.
గత ఏడాది కాలంగా కరోనా వల్ల ఆలస్యం అవుతున్న ఈ సినిమా ను అక్టోబర్ లో విడుదల చేసే అవకాశం ఉందని కొందరు అంటున్నారు.అయితే ఇప్పటి వరకు చిత్ర యూనిట్ సభ్యుల నుండి మాత్రం ఎలాంటి అప్ డేట్ లేదు.
ఇక ఆర్ ఆర్ ఆర్ సినిమా షూటింగ్ నిమిత్తం ఇటీవలే చివరి షెడ్యూల్ ను మొదలు పెట్టారు.సినిమా చిత్రీకరణ ముగింపు దశకు వచ్చిన నేపథ్యంలో సినిమా ప్రమోషనల్ వీడియోలను మరియు వరుసగా పోస్టర్ లను విడుదల చేయాలని మేకర్స్ భావిస్తున్నారట.
సినిమాను పెద్ద ఎత్తున విడుదల చేసేందుకు ముందు నుండే ప్రమోషన్ అవసరమే.కాని తేదీ ప్రకటించకుండా ప్రమోషన్ మొదలు పెట్టారు అంటే చాలా త్వరలోనే సినిమా ఉంటుందని కొందరు విశ్లేషిస్తున్నారు.
అదే కనుక నిజం అయితే ఖచ్చితంగా అక్టోబర్ లో ఈ సినిమా విడుదల ఉంటుందనే నమ్మకంను కొందరు వ్యక్తం చేస్తున్నారు.పెద్ద ఎత్తున అంచనాలున్న ఆర్ ఆర్ ఆర్ సినిమా ను అక్టోబర్ లో విడుదలకు సిద్దం చేయాలనే ఉద్దేశ్యంతో హడావుడిగా ఈ నెలలోనే షూటింగ్ కు గుమ్మడి కాయ కొట్టాలని జక్కన్న భావిస్తున్నాడు.
అందులో భాగంగానే యూనిట్ సభ్యులందరిని కూడా చివరి షెడ్యూల్ కు పిలిచారు.ప్యాచ్ వర్క్ ఏమైనా ఉంటే షూటింగ్ ను ముగించ బోతున్నారు.ఈ నెల చివరి వరకు షూటింగ్ పూర్తి చేయడం తో పాటు ప్రమోషనల్ వీడియో లను కూడా విడుదల చేసేందుకు సిద్దం అవుతున్న నేపథ్యంలో సినిమా అక్టోబర్ లో ఖాయం అంటున్నారు.