'రౌడీ బాయ్స్' కోసం రంగంలోకి దిగుతున్న రౌడీ స్టార్!

రౌడీ బాయ్స్ పేరుతొ ఆశిష్ తెలుగు సినీ తెరమీద అడుగు పెట్టేందుకు సిద్ధం అవుతున్నాడు.ఇప్పటికే విడుదల అయినా టీజర్, టైటిల్ సాంగ్ ఈ సినిమాపై మరింత ఆసక్తి పెంచేసాయి.ఇక ఇప్పుడు మరొక సాంగ్ ను రిలీజ్ చేసేందుకు చిత్ర యూనిట్ భారీగా ప్లాన్ చేస్తుంది.ఈ రొమాంటిక్ సాంగ్ ను రిలీజ్ చేసేందుకు టాలీవుడ్ రౌడీ స్టార్ ను రంగం లోకి దింపుతున్నారు.

ఈ రొమాంటిక్ సాంగ్ ను విడుదల చేసేందుకు విజయ్ దేవరకొండ రాబోతున్నట్టు పోస్టర్ ద్వారా తెలిపారు.అక్టోబర్ 20న సాయంత్రం 6 గంటలకు హైదరాబాద్ లోని ఎన్ కన్వెన్షన్ సెంటర్ లో విజయ్ దేవరకొండ ముఖ్య అతిధిగా విచ్చేసి ఈ సాంగ్ ను లాంచ్ చేయబోతున్నారు.

రౌడీ స్టార్ లాంచ్ చేయబోతున్నారు కాబట్టి ఈ సినిమా మరింత పాపులర్ అయ్యే అవకాశం ఉంది.ఇక ఈ సినిమాలో ఆశిష్ కు జోడీగా అనుపమ పరమేశ్వరన్ హీరోయిన్ గా నటిస్తుంది.

ఈ సినిమాను శ్రీ హర్ష కొనుగంటి తెరకెక్కిస్తున్నారు.ఈ సినిమాకు బడ్జెట్ కూడా భారీగా పెట్టినట్టు టాక్.కాలేజ్ బ్యాక్ డ్రాప్ లో ఈ సినిమాను తెరకెక్కిస్తున్నారు.ఇక ఈ సినిమాకు దేవి శ్రీ ప్రసాద్ సంగీతం అందిస్తుండగా త్వరలోనే ఈ సినిమాను విడుదల చేయడానికి సన్నాహాలు చేస్తున్నారు.

మరి దిల్ రాజు చేస్తున్నాడు కాబట్టి ఈ సినిమా గ్రారేంటీ హిట్ అనే అభిప్రాయం వ్యక్తం అవుతుంది.