ఫిదా సినిమాతో టాలీవుడ్ ఎంట్రీ ఇచ్చిన ముద్దుగుమ్మ సాయి పల్లవి.మొదటి సినిమాతోనే నటిగా తనని తాను ప్రూవ్ చేసుకున్న ఈ అమ్మడు డాన్సింగ్ స్టార్ అనే విషయం చాలా మందికి తెలియదు.తెలుగు ఢీ డాన్స్ షోలో సాయి పల్లవి పాల్గొంది.ఇక ఫిదా సినిమాలో కూడా తన డాన్స్ టాలెంట్ చూపించింది.వచ్చిండే సాంగ్ తో యుట్యూబ్ లో దుమ్ము రేపింది.తెలుగులో ఇప్పటి వరకు ఏ సాంగ్ కి రాని వ్యూస్ ఈ సాంగ్ కి వచ్చాయి.
ఇక తరువాత తమిళంలో మారి2 తో ధనుష్ కి జోడగా సాయి పల్లవి నటించింది.ఇందులో రౌడీబేబీ అనే డ్యూయెట్ ధనుష్, సాయి పల్లవి మీద చిత్రీకరించారు.
ఈ పాటకి ప్రభుదేవా కొరియోగ్రఫీ చేశారు.ఇక ఈ రౌడీ బేబీ వీడియో సాంగ్ అయితే యుట్యూబ్ లో అన్ని రికార్డులని తన సొంతం చేసుకుంది.
ఎవ్వరూ ఊహించని స్థాయిలో, బాలీవుడ్ సినిమా పాటలకి కూడా లేని క్రేజ్ ని ఈ సాంగ్ సొంతం చేసుకుంది.గతంలో సలీమాన్ ఖాన్ టింగేర్ జిందా హై సినిమాలోని సాంగ్ ని 80 కోట్ల మంది వీక్షిస్తే రౌడీ బేబీ సాంగ్ ఆ రికార్డుని ఏడాదిలో బ్రేక్ చేసి ఏకంగా 90కోట్లు వ్యూస్ క్రాస్ చేసింది.
ఇండియన్ సినిమా ఇండస్ట్రీలో ఒక సౌత్ ఇండియా సాంగ్ కి ఈ స్థాయిలో గుర్తింపు రావడం నిజంగా ప్రత్యేకం అని చెప్పాలి.ఇక ఈ సాంగ్ ఇంత పెద్ద హిట్ అవ్వడానికి చూసిన వారే పదే పదే చూడటానికి కారణం సాయి పల్లవి డాన్స్ టాలెంట్ అని ప్రత్యేకంగా చెప్పాల్సిన పని లేదు.
మొత్తానికి చేసిన సినిమాలు తక్కువ అయినా ఈ రౌడీ బేబీ సౌత్ లో తన బ్రాండ్ మాత్రం గట్టిగానే క్రియేట్ చేసుకుంటుంది.