హెల్మెట్ కి వ్యాసం కి సంబంధం ఏంటి అని అనుకుంటున్నారా.వినడానికి ఆశ్చర్యంగా ఉన్నా కూడా నిజంగా హెల్మెట్ లేకుండా పట్టుబడిన ద్విచక్ర వాహనదారులకు పెనాల్టీ విధించకుండా వినూత్న మార్గాన్ని ఎంచుకున్నారు.
డ్రైవింగ్ చేసేటప్పుడు హెల్మెట్ ధరించకపోవడానికి గల కారణాన్ని వివరిస్తూ సంక్షిప్త వ్యాసం రాయమని అడుగుతున్నారట.ఇది మధ్యప్రదేశ్ రాజధాని భోపాల్ లో ట్రాఫిక్ పోలీసులు ఇలాంటి పనిష్మెంట్ ఇస్తున్నారట.
గత ఆరు రోజులలో రహదారి భద్రతా వారోత్సవాల్లో భాగంగా భోపాల్ లో 150 మందికి పైగా హెల్మెట్ నిబంధనలను ఉల్లఘించారు.దీనితో వినూత్నంగా ఆలోచించిన ట్రాఫిక్ పోలీసులు వారందరి చేత 100 పదాల వ్యాసం రాయించారట.
రహదారి భద్రతా వారోత్సవాల్లో భాగంగా హెల్మెట్ లేకుండా దొరికిన ద్విచక్ర వాహనదారులు ఈ అవసరమైన భద్రతా నిబంధనను ఎందుకు ఉల్లంఘిస్తున్నారో వివరిస్తూ 100 పదాలలో ఒక వ్యాసం రాయాలి అని పోలీసు అధికారులు తెలిపారు.
రైడర్స్ రక్షణ కోసం హెల్మెట్లు చాలా అవసరం అని అలాంటి హెల్మెట్ పెట్టుకొని వారికి పోలీసులు ఇలాంటి పనిష్మెంట్ ఇస్తున్నట్లు తెలుస్తుంది.రహదారి భద్రతా వారం (జనవరి 11 నుండి 17 వరకు) ముగిసిన తర్వాత కూడా ఈ పధ్ధతి కొనసాగుతుందని పోలీసులు తెలిపారు.