వివాదాస్పద దర్శకుడు రామ్ గోపాల్ వర్మ తెరకెక్కిస్తున్న తాజా చిత్రం ‘పవర్ స్టార్’ ఇప్పటికే ఎలాంటి వివాదాలను క్రియేట్ చేసిందో అందరికీ తెలిసిందే.పవర్ స్టార్ పవన్ కళ్యాణ్పై వర్మ ఓ సినిమా చేస్తున్నాడనే విషయం అనౌన్స్ చేసిన దగ్గర్నుండీ పవన్ ఫ్యాన్స్ వర్మపై విరుచుకుపడుతున్నారు.
దీంతో వర్మ మరింత రెచ్చిపోయి ఈ సినిమాపై ఫోకస్ పెట్టాడు.అనౌన్స్ చేసిన కొన్ని రోజుల్లోనే ఈ సినిమాను పూర్తి కూడా చేశాడు ఈ డైరెక్టర్.
అందరికీ షాకిస్తూ ఈ సినిమాను తన ఏటీటీ ప్లాట్ఫాంలో రిలీజ్ చేస్తున్నానని ప్రకటించిన వర్మ, ఈ సినిమా ట్రైలర్కు కూడా రేటును ఫిక్స్ చేసి అందరినీ అవాక్కయ్యేలా చేశాడు.ఇక జూలై 22న ఉదయం 11 గంటలకు ఈ చిత్ర ట్రైలర్ను రిలీజ్ చేస్తానని వర్మ అనౌన్స్ చేశాడు.
కానీ ఈలోపే ఈ సినిమా ట్రైలర్ ఆన్లైన్లో ప్రత్యక్షమయ్యింది.ఇక ఈ ట్రైలర్ చూస్తుంటే, వర్మ మరోసారి తన మార్క్ను వేసుకున్నాడనే చెప్పాలి.పవన్ కళ్యాణ్ ఎన్నికల్లో ఓటమిపాలైన దగ్గర్నుండి ఈ సినిమాలో కథ నడుస్తుందని ఈ ట్రైలర్ చూస్తుంటే తెలుస్తోంది.ఇందులో ప్రవన్(పవన్ కళ్యాణ్) ఓటమిని జీర్ణించుకోలేక పోవడం, ఆయన పడే మనోవేదన, ఆయన చుట్టూ చేరి కొంత మంది ఇచ్చే సలహాలు, సూచనలకు ఆయన ఎలా స్పందించాడు అనే అంశాలను వర్మ మనకు చూపించనున్నాడు.
ఇక ఈ ట్రైలర్ చూస్తుంటే ఈ సినిమా మొత్తం ఒకే అంశం చుట్టూ తిరుగుతున్నట్లు తెలుస్తోంది.పవర్ స్టార్ ‘ఫ్యాన్స్’ను నమ్మి ఎలా ఓటమిపాలయ్యాడో అనే అంశంపై వర్మ ఫుల్ ఫోకస్ పెట్టినట్లు తెలుస్తోంది.
మరి వర్మ టార్గెట్ చేసి ఈ ఫ్యాన్స్ పవర్ స్టార్ చిత్రానికి ఎలాంటి రెస్పాన్స్ ఇస్తారో చూడాలి.మొత్తానికి వర్మ మరోసారి పవన్ ఫ్యాన్స్ను గెలికాడనేది వాస్తవమని ఈ ట్రైలర్ చూస్తే చెప్పేయొచ్చు.
ప్రస్తుతం సోషల్ మీడియాలో దుమ్ములేపుతున్న ఈ ట్రైలర్ను మీరూ ఓసారి చూసేయండి.