వివాదాస్పద దర్శకుడు రామ్ గోపాల్ వర్మ ఇటీవల వరుసబెట్టి వివాదాస్పద చిత్రాలను తెరకెక్కిస్తూ తనదైన మార్క్ను వేస్తున్నాడు.అటు బోల్డ్ రొమాంటిక్ ఎంటర్టైనర్ చిత్రాలను తనదైన శైలిలో తెరకెక్కిస్తూ వరుసబెట్టి రిలీజ్ చేస్తున్నాడు ఈ డైరెక్టర్.
కాగా ప్రస్తుతం నటుడు, జనసేన పార్టీ అధ్యక్షుడు పవన్ కళ్యాణ్పై తనదైన శైలిలో ఓ సినిమా చేస్తున్నాడు వర్మ.‘పవర్స్టార్’ అనే టైటిల్తో వస్తున్న ఈ సినిమాకు సంబంధించిన పోస్టర్స్, స్టిల్స్ ఇప్పటికే ప్రేక్షకులను ఆకట్టుకున్నాయి.
కాగా పవర్స్టార్ చిత్రాన్ని తనకు చెందిన ఓటీటీలో రిలీజ్ చేసేందుకు వర్మ రెడీ అవుతున్నాడు.అయితే ఈ సినిమా తరువాత మరో నటుడు, రాజకీయ నాయకుడు నందమూరి బాలకృష్ణపై వర్మ ఓ సినిమా తీసేందుకు రెడీ అవుతున్నాడట.
‘ఆ రోజు రాత్రి ఏం జరిగింది?’ అనే టైటిల్తో ఈ సినిమాను వర్మ తెరకెక్కించేందుకు రెడీ అవుతున్నాడట.అయితే గతంలో ప్రముఖ నిర్మాత బెల్లంకొండ సురేష్పై బాలయ్య కాల్పులు జరిపిన విషయం తెలిసిందే.
ఈ ఘటన ఆధారంగా వర్మ తనదైన స్టయిల్లో సినిమా తీసేందుకు వర్మ రెడీ అవుతున్నాడు.
ఏదేమైనా ఇలాంటి వివాదాస్పద చిత్రాలు తెరకెక్కించాలంటే అది వర్మకే సాధ్యమని పలువురు అంటున్నారు.
ఇక ఈ సినిమా కోసం ఇప్పటికే బాలయ్యను పోలి ఉంటే వ్యక్తి దొరికాడని, ఆయనతో కొన్ని సీన్స్ కూడా షూట్ చేశారనే వార్త ఇండస్ట్రీలో వినిపిస్తోంది.ఏదేమైనా పవన్ కళ్యాణ్ తరువాత వర్మ గురి బాలయ్య వైపు పడటంతో ఈ సినిమా కోసం అందరూ ఆసక్తిగా ఎదురుచూస్తున్నారు.