తెలుగు సినీ నటి పవర్ స్టార్ పవన్ కళ్యాణ్ మాజీ భార్య రేణు దేశాయ్ గురించి ప్రత్యేకంగా పరిచయం అక్కర్లేదు.ఈమె పూరి జగన్నాథ్ దర్శకత్వంలో తెరకెక్కిన బద్రి సినిమాతో తెలుగు సినీ పరిశ్రమకు పరిచయమైంది.
ఇక ఈ సమయంలో పవన్ కళ్యాణ్ తో పరిచయం పెరిగి పెళ్లి వరకు వెళ్ళిన సంగతి తెలిసిందే. కొన్నీ సంవత్సరాల తరువాత వీరి కాపురానికి బ్రేకులు పడ్డాయన్న విషయం తెలిసిందే .ఇది ఇలా ఉంటే రేణు దేశాయ్ ఎప్పుడు సోషల్ మీడియాలో యాక్టివ్ గా ఉంటారు.అలాగే సమాజంలో జరిగే పలు విషయాల గురించి స్పందిస్తూ ఉంటారు.
రేణుదేశాయ్ కరోనా లాంటి విపత్కర పరిస్థితుల్లో ఎంతోమందికి సహాయాన్ని అందించి తన మంచి మనసు చాటుకున్నారు.కరోనా మహమ్మారి వచ్చిన తరువాత ఈమె షూటింగ్ లకు దూరం అయ్యింది.
ఈక్రమంలోనే డ్రామా జూనియర్స్ షోను కూడా వదిలేసింది.నిత్యం సోషల్ మీడియాలో యాక్టివ్ గా ఉండే రేణుదేశాయ్ సోషల్ మీడియాలో పలు విషయాలపై స్పందించడమే కాకుండా, తన కూతురు ఆద్య గురించి, ఆమెకు సంబంధించిన ఫొటోస్, వీడియోలను సోషల్ మీడియాలో షేర్ చేస్తూ ఉంటుంది.
ఇదిలా ఉంటే తాజాగా రేణుదేశాయ్ షేర్ చేసిన వీడియో ప్రస్తుతం సోషల్ మీడియాలో వైరల్ అవుతోంది.
ఈ వీడియో ద్వారా ఆద్య ప్రతిభను అందరికీ పరిచయం చేసింది.ఈ వీడియోలో ఆధ్య గిటార్ వాయిస్తూ పాట పాడుతూ కనిపిస్తోంది.ఆధ్యా టాలెంట్ కి, ఆమె వాయిస్ కి నెటిజన్లు ఫిదా అవుతున్నారు.
ఈ వీడియోన్ని చూసిన పవన్ అభిమానులు పవర్ స్టార్ కూతురా మజాకా అంటూ కామెంట్లు పెడుతున్నారు.ఇంకొందరు మా అన్న పవర్ స్టార్ కూతురు అంటూ, ఇలా వివిధ రకాలుగా ఒక్కొక్కరు ఒకొక్క శైలిలో కామెంట్లు పెడుతున్నారు.
మొత్తానికి ఈ వీడియో సోషల్ మీడియాలో చక్కర్లు కొడుతోంది.
