తెలుగులో హీరోయిన్‌గా ఎంట్రీ ఇచ్చిన రెజినా కాసాండ్రా తన నటనతో పాటు అందంతోనూ మంచి పేరును సంపాదించుకుంది.ఇప్పటికే ఈ బ్యూటీ పలు హిట్ సినిమాల్లో నటించి తనదైన ముద్ర వేసుకుంది.
కాగా ఈ బ్యూటీ ప్రస్తుతం ఫేడవుట్ కాకుండా జాగ్రత్తలు పడుతూ చాలా సెలెక్టివ్‌గా సినిమాలు ఎంచుకుంటోంది.
అయితే ఇటీవల ‘నిన్ను వీడని నీడను నేనే’ అనే సినిమాతో ప్రేక్షకులను అలరించిన ఈ బ్యూటీ ఇప్పుడు కొత్త సంవత్సరంలో జాతకం చెప్పేందుకు రెడీ అవుతోంది.
రెజినా తాజాగా ఓ లేడీ ఓరియెంటెడ్ మూవీలో లీడ్ రోల్ చేసేందుకు సైన్ చేసినట్లు తెలుస్తోంది.ఈ సినిమలో అమ్మడు జ్యోతిష్యం చెప్పే పాత్రలో నటిస్తుందని, ఈ సినిమా పూర్తి హార్రర్ నేపథ్యంలో తెరకెక్కనుందని తెలుస్తోంది.
ఈ సినిమాకు సంబంధించిన మిగతా నటీనటులు, టెక్నీషియన్ల వివరాలను చిత్ర యూనిట్ త్వరలో వెల్లడించనున్నారు.ఏదేమైనా కొత్త సంవత్సరంలో భవిష్యత్తు చెప్పే పాత్రలో నటించేందుకు అమ్మడు ఒప్పుకోవడంతో ఆమె పాత్ర ఎలా ఉంటుందో చూడాలి అంటున్నారు సినీ ప్రేక్షకులు.
