సాధారణంగా ఆవులను ఎవరైనా సరే 10 వేలు లేదా 20 వేలు పెట్టి కొంటు ఉండడం సహజం.అలాగే కొన్ని రకములైన ఆవులను అంతకంటే ఎక్కువ రేటు పెట్టి కొనడం, అలాగే ఆ తర్వాత దాన్ని ఎక్కువ రేటు అమ్మడం మనం చూసే ఉంటాం.కానీ, తాజాగా ఇంగ్లాండ్ కు చెందిన ఒక ఆవు ఏకంగా 2.61 కోట్లకు అమ్ముడు అయిందంటే నమ్మండి.నిజానికి ఆ ఆవుకు వయసు నిండా 14 నెలలు మాత్రమే.కానీ, ప్రపంచంలోనే అత్యుత్తమ జాతి ఆవులలో ఇది కూడా ఒకటి.ఆ ఆవు పేరు పోష్ స్పైస్ (Posh Spice). ఈ ఆవు ఇంగ్లాండ్ లో ష్రాప్‌ షైర్‌ లో పెరిగింది.ప్రపంచంలోనే రికార్డు స్థాయిలో ఈ ఆవు అమ్ముడైంది.గతంలో కూడా ఈ జాతికి చెందిన ఆవును వేలం వేయగా అప్పటిలో 1.31 కోట్లు పలికింది.ఇప్పటి వరకు ప్రపంచంలోనే అత్యధిక ఖరీదైన ఆవు అదే ఉండగా తాజాగా ఆ రికార్డును బద్దలు కొడుతూ పోష్ స్పైస్ రికార్డ్ స్థాయిలో నిలిచింది.
వాస్తవానికి పొడిగ్రీ జాతికి చెందిన ఈ పోష్ స్పైస్ కి ఆ పేరు పెట్టడానికి గల ఒక కారణం కూడా ఉంది.ఆ కారణం ఏమిటంటే 1990 నాటి ప్రపంచ ఫేమస్ పాప్ బ్యాండ్ స్పైస్ గర్ల్స్ ని పోష్ స్పైస్ అని కూడా పిలుస్తూ ఉంటారు.
నిజానికి ఆ బ్యాండ్ అంటే ఈ ఆవు ఓనర్లకు బాగా ఇష్టం.అందుకే దీనికి ఆ పేరు పెట్టారు అని అందరు అంటూ ఉంటారు.
ఈ ఆవులు కాస్త రఫ్ గా ఉంటాయి.ఇలాంటి జాతికి చెందిన ఆవులు 1989 నుంచి డాన్, క్రిస్టీన్ విలియమ్స్ పెంచుకుంటూ ఉన్నారు.
ఆ ఆవుకు పుట్టిన నాలుగు దూడలను వారు చాలా సున్నితంగా కాపాడుకుంటూ, తల్లి చనిపోయిన అనంతరం కూడా పిల్ల ఆవులను జాగ్రత్తగా కాపాడటం వాటిని పెంచుతున్నారు.ఒక్కసారిగా ఈ ఆవు ఇంత ఎక్కువ ధర పలకడంతో క్రిస్టిన్ ఒక్కసారిగా ఆశ్చర్యపోయింది.
ఈ సందర్భంగా ఆమె మాట్లాడుతూ.ఈ ఆవు ఇంత ధర పలుకుతుందని మేము అసలు ఊహించలేదు.
మేము చాలా ఆనందపడుతున్నామని.మాకు మంచి ఫలితం దక్కింది అంటూ పేర్కొంది.
ఇక ఈ ఆవు చూడడానికి చాలా అందంగా ఉండడంతో పాటు ప్రతి ఒక్కరిని ఆకర్షించే విధంగా ఉంది.అంతేకాకుండా ఈ జాతికి చెందిన ఆవులను పెంచే కాంబ్రియాలోని జెన్కిన్సన్, గ్రేటర్ మాంచెస్టర్ లోని డేవిస్, బిడెన్ వారికీ పోష్ స్పైస్ ఆవులు కావాలని అడగడంతో వాటికీ డిమాండ్ బాగా పెరిగిపోయింది.
.
