దర్శకధీరుడు రాజమౌళి జూనియర్ ఎన్టీఆర్, రామ్ చరణ్ హీరోలుగా ఆర్ఆర్ఆర్ సినిమా తెరకెక్కుతోన్న సంగతి తెలిసిందే.రెండు రోజుల క్రితం రామరాజు ఫర్ భీమ్ పేరుతో ఆర్ఆర్ఆర్ సినిమా నుంచి మరో టీజర్ విడుదల కాగా ఈ టీజర్ కు 17 మిలియన్ల వ్యూస్, పది లక్షల లైకులు వచ్చాయి.
గతంలో ఏ టీజర్ కు రానన్ని లైకులతో టాలీవుడ్ ఇండస్ట్రీలో ఈ టీజర్ కొత్త రికార్డులు సృష్టిస్తోంది.అయితే ఈ టీజర్ లో ఎన్టీఆర్ ముస్లిం గెటప్ లో కనిపించడంపై భిన్నాభిప్రాయాలు వ్యక్తమవుతున్నాయి.
చరిత్ర ప్రకారం కొమరం భీమ్ ముస్లిం గెటప్లో కనిపించినట్లు ఆధారాలు లేవు.దీంతో ఆదివాసీలు ఈ టీజర్ పై ఆగ్రహం వ్యక్తం చేస్తున్నారు.అయితే ఇండస్ట్రీ వర్గాల్లో ఎన్టీఆర్ ముస్లిం గెటప్ కు సంబంధించి ఆసక్తికరమైన వార్తలు వినిపిస్తున్నాయి.మొదటి నుంచి రాజమౌళి ఈ సినిమా చరిత్రకు సంబంధించిన కథ కాదని.
ఈ సినిమాలో దేశభక్తి స్వాతంత్రం లాంటి అంశాలు ఉండవని.ఈ కథ ఫిక్షనల్ స్టోరీ అని చెప్పారు. చరిత్ర ప్రకారం అల్లూరి సీతారామరాజు, కొమరం భీమ్ కలిసినట్లు ఆధారాలు లేకపోయినా వాళ్లిద్దరూ కలిస్తే ఏ విధంగా ఉంటుందనే ఫిక్షనల్ కథతో ఆర్ఆర్ఆర్ తెరకెక్కుతోంది.ముస్లిం గెటప్ లో ఎన్టీఆర్ కనిపించడం సినిమాలో ట్విస్ట్ అని.కథ ప్రకారం ఎన్టీఆర్ ఆ గెటప్ లో కనిపించాడని సమాచారం.మరోవైపు ఇప్పటికే విడుదలైన రెండు టీజర్లు సినిమాలపై భారీగా అంచనాలు పెంచుతున్నాయి.
రామరాజు ఫర్ భీమ్ టీజర్లో కొన్ని షాట్స్ కాపీ అనే ఆరోపణలు వ్యక్తమవుతున్నా ఆర్ఆర్ఆర్ యూనిట్ ఆ ఫోటోలను మనీ చెల్లించి రైట్స్ తీసుకుని ఉంటుందని తెలుస్తోంది.దాదాపు 400 కోట్ల రూపాయల భారీ బడ్జెట్ తో తెరకెక్కుతున్న ఈ సినిమాను డీవీవీ ఎంటటైన్మెంట్స్ బ్యానర్ పై నిర్మిస్తున్నారు.
ఈ సినిమాలో అలియా భట్ ఒలీవియా మోరిస్ హీరోయిన్లుగా నటిస్తున్నారు.
