ఆ దేవాలయంలో 400 సంవత్సరాల నుంచి దీపం వెలుగుతూనే ఉంది.. ఎక్కడంటే?

సాధారణంగా దేవాలయాలలో గర్భగుడిలో దీపాలు వెలుగుతూ ఉండడం సర్వసాధారణమే అయినప్పటికీ ఈ విధంగా ఏళ్లతరబడి దీపాలు వెలగడం ఎంతో అరుదు.

దీపం ఎక్కడ వెలుగుతూ ఉంటే అక్కడ చీకటి తొలగించబడుతుందని చెబుతుంటారు.

అందుకోసమే మన సాంప్రదాయం ప్రకారం ఎటువంటి శుభకార్యం జరిగినా మొదటగా జ్యోతి ప్రజ్వలన చేసి ఆ కార్యక్రమాన్ని ప్రారంభిస్తారు.ఇంతటి ప్రాముఖ్యత ఉన్న ఈ దీపం గత 400 సంవత్సరాలనుంచి వెలుగుతూ ఉందంటే ఎంతో ఆశ్చర్యం గానే ఉంటుంది.

ఇంతకీ ఆ దేవాలయం ఎక్కడ ఉంది? ఆలయం ప్రాముఖ్యత ఏమిటి? అనే విషయాల గురించి ఇక్కడ తెలుసుకుందాం.తెలంగాణ రాష్ట్రం, రాజన్న జిల్లా, ముస్తాబాద్ మండలం ఆవునూరు గ్రామంలో సీతారామచంద్ర స్వామి ఆలయం ఉంది.

ఈ ఆలయంలో వెలసిన శ్రీరామచంద్రులు కోరిన కోరికలను నెరవేర్చే దేవుడిగా గ్రామ ప్రజల ప్రగాఢ విశ్వాసం.ఈ ఆలయంలో నందా దీపం తరతరాలుగా వెలుగుతూనే ఉంది.

ఈ ఆలయంలో ఈ అఖండ దీపం ఎల్లప్పుడు వెలుగుతూ ఉంటేనే ఆ గ్రామంలో ప్రజలు సిరి సంపదలతో సంతోషంగా గడుపుతారు అనేది అక్కడి ప్రజల నమ్మకం.