మాస్ మహారాజ్ రవితేజ ఇప్పటి వరకు కెరియర్ లో ఎక్కువగా పోలీస్ ఆఫీసర్ పాత్రలలో కనిపించి సందడి చేశాడు.విక్రమార్కుడు సినిమా నుంచి అతను పోలీస్ పాత్రలకి కేరాఫ్ గా మారిపోయాడు.
రవితేజ పోలీస్ ఆఫీసర్ అంటే ఆ సినిమా కచ్చితంగా హిట్ అవుతుందనే ఒక బ్రాండ్ పడిపోయింది.అయితే వాటిని మాత్రమే కాకుండా కెరియర్ లో భిన్నమైన పాత్రలు చాలా వరకు చేశాడు.
హీరోయిజంలో కూడా కామెడీని ప్రెజెంట్ చేయడంలో ప్రస్తుతం ఉన్న హీరోలని తీసుకుంటే రవితేజ కచ్చితంగా ఫస్ట్ ప్లేస్ లో ఉంటారు.అతనిని స్పూర్తిగా తీసుకొనే మిగిలిన హీరోలు కూడా కామెడీ పడించడం మొదలు పెట్టారు.
క్రాక్ సినిమాతో మరోసారి పోలీస్ ఆఫీసర్ గా అలరించిన రవితేజ ప్రస్తుతం జరుగుతున్న ఖిలాడీ కోసం దొంగ అవతారం ఎత్తాడు.ఇందులో రాబరీ కింగ్ గా కనిపించబోతున్నాడు.
దీని తర్వాత త్రినాధ్ రావు నక్కిన దర్శకత్వంలో రవితేజ సినిమా చేయబోతున్నాడు.
ఇక ఈ సినిమా కథ ఇప్పటికే సిద్ధమైంది.
కామెడీ, కమర్షియల్ ఎంటర్టైన్మెంట్ కథలు రాయడంలో మంచి ప్రావీణ్యం ఉన్న ప్రసన్నకుమార్ ఈ సినిమాకి కథ అందించాడు.ఈ సినిమాలో రవితేజ లాయర్ గా కనిపించబోతున్నట్లు తెలుస్తుంది.
అలాగే రవితేజ తండ్రి పాత్రకి కూడా సినిమాలో మంచి ప్రాధాన్యత ఉంటుందని, అతను కూడా లాయర్ పాత్రలోనే కనిపిస్తాడని తెలుస్తుంది.వీరిద్దరి మధ్య కామెడీ అండ్ ఎమోషనల్ ఎలిమెంట్స్ సినిమాలో హైలైట్ గా ఉంటాయని టాక్ నడుస్తుంది.
కోర్టు సన్నివేశాలు చాలా ఫన్ క్రియేట్ చేసే విధంగా ఉంటాయని బోగట్టా.ఖిలాడీ సినిమా పూర్తి కాగానే ఈ సినిమాని పట్టాలెక్కించే పనిలో రవితేజ ఉన్నట్లు తెలుస్తుంది.