క్రాక్ మూవీకి పని చేసిన ఐదుగురు దర్శకులు.. ఎవరెవరంటే..?

రవితేజ శృతిహాసన్ హీరోహీరోయిన్లుగా గోపీచంద్ మలినేని దర్శకత్వంలో తెరకెక్కిన క్రాక్ సినిమా ఈ నెల 9వ తేదీన విడుదలై పాజిటివ్ రెస్పాన్స్ ను సొంతం చేసుకున్న సంగతి తెలిసిందే.ఈ సినిమాకు దర్శకుడు గోపీచంద్ మలినేని అయినప్పటికీ ఈ సినిమా కోసం ఐదుగురు దర్శకులు పని చేయడం గమనార్హం.

 Raviteja Movie Crack Had Five Directors, Crack Movie, Five Directors, Gopichand-TeluguStop.com

టాలీవుడ్, కోలీవుడ్ కు చెందిన ఐదుగురు దర్శకులు క్రాక్ సినిమాలోని కీలక పాత్రల్లో నటించారు.

ప్రముఖ దర్శకులు సముద్రఖని, బీవీఎస్ రవి, వివేక్ కృష్ణ, మహేష్ కత్తి, దేవీ ప్రసాద్ ఈ సినిమాల్లో నటించారు.

సినీ క్రిటిక్, దర్శకుడు మహేష్ కత్తి ఈ సినిమాలో కుల సంఘం అధ్యక్షుడిగా నటించి మెప్పించారు.ఈ సినిమాలో విలన్ కటారీ కృష్ణ పాత్రలో సముద్రఖని నటించారు.

కోలీవుడ్, టాలీవుడ్ సినిమాలకు సముద్రఖని దర్శకత్వం వహించిన సంగతి తెలిసిందే.నాగ చైతన్య హీరోగా నటించిన బెజవాడ మూవీ డైరెక్టర్ వివేక్ కృష్ణ కూడా ఈ సినిమాలో పోలీస్ పాత్రలో నటించారు.

Telugu Crack, Directors, Raviteja-Movie

చాలా సినిమాలకు రచయితగా పని చేసి దర్శకునిగా మారిన బీవీఎస్ రవి సైతం ఈ సినిమాలోని ముఖ్య పాత్రలో నటించడం గమనార్హం.శ్రీవిష్ణు హీరోగా నటించిన నీది నాది ఒకే కథ సినిమాకు డైరెక్టర్ గా పని చేసిన దేవీ ప్రసాద్ సైతం ఈ సినిమాలో ఎస్సై తిలక్ పాత్రలో నటించి మెప్పించారు.ఇలా గోపీచంద్ మలినేని కాకుండా ఐదుగురు దర్శకులు ఒకే సినిమాలో నటించడం గమనార్హం.

2021 సంవత్సరంలో విడుదలైన తొలి పెద్ద సినిమా క్రాక్ సక్సెస్ కావడంతో ఈ ఏడాది విడుదల కాబోయే కొత్త సినిమాలు కూడా సక్సెస్ కావచ్చని దర్శకనిర్మాతలు భావిస్తున్నారు.

పండుగ సందర్భంగా విడుదలైన మాస్టర్ అంచనాలను అందుకోకపోయినా రెడ్, అల్లుడు అదుర్స్ సినిమాల ఫలితాల కోసం ప్రేక్షకులు ఆసక్తిగా ఎదురు చూస్తున్నారు.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube