టాలీవుడ్ మాస్ మహారాజా రవితేజ ఈ మధ్యకాలంలో నటించిన సినిమాలు తన అభిమానులకు నిరాశ మిగిలిస్తున్నాయని చెప్పవచ్చు.2017 లో విడుదల అయిన “రాజా ది గ్రేట్” సినిమా తరువాత మంచి విషయాన్ని అందుకోలేక సతమతమయ్యాడు ఈ మాస్ రాజా.ఈసారి ఎలాగైనా తన ఖాతాలో మంచి విజయం సొంతం చేసుకోవాలని కసితో “క్రాక్” సినిమాలో నటిస్తున్నారు ఈ హీరో.
ఇప్పటికే షూటింగ్ పూర్తి చేసుకున్న “క్రాక్” సినిమా సంక్రాంతి కానుకగా జనవరి 9న ప్రేక్షకుల ముందుకు రానుంది.
ఈ సందర్భంగా రవితేజ ఓ ఇంటర్వ్యూలో పాల్గొని కొన్ని ఆసక్తికరమైన విషయాలను గురించి తెలియజేశారు.ఇందులో భాగంగానే లాక్ డౌన్ సమయంలో ఎలా గడిపారని ప్రశ్నను అడగగా.
అందుకు రవితేజ లాక్ డౌన్ సమయంలో ఒక్క నిమిషం కూడా బోర్ అనిపించలేదు.అంతేకాకుండా ఈ లాక్ డౌన్ సమయంలో చాలా నేర్చుకున్నానని తెలిపారు.
సాధారణంగా ఖాళీ సమయం దొరికినప్పుడల్లా కుటుంబంతో ఎక్కువ సమయం గడిపే రవితేజ, అనుకోకుండా దొరికిన ఖాళీ సమయాన్ని తన కుటుంబంతో బాగా గడిపానని తెలియజేశారు.
లాక్ డౌన్ సమయంలో ఎక్కువగా వర్కౌట్స్ చేస్తూ, బోలెడన్ని సినిమాలను చూశాను.ఎన్నో కొత్త కొత్త విషయాలను నేర్చుకుంటూ ఒక్క నిమిషం కూడా బోర్ గా ఫీల్ అవ్వలేదని తెలియజేశారు.అయితే తన కొడుకు సినీ ఎంట్రీ గురించి మాట్లాడుతూ… ‘రాజా ది గ్రేట్’ సినిమాలో దర్శకుడు అనిల్‌ పట్టుబట్టి మహాదన్‌తో ఆ పాత్ర చేయించాడు.
ప్రస్తుతం వాడు 9వ తరగతి మాత్రమే చదువుతున్నాడు సినిమాల్లో ఎంట్రీ ఇవ్వడానికి ఇంకా సమయం పడుతుందని అప్పటికీ తనకు ఏది తోచితే అదే చేయిస్తానని ఈ సందర్భంగా రవితేజ తెలిపారు.సంక్రాంతికి కానుకగా రాబోతున్న క్రాక్ సినిమా ద్వారా మరోసారి ప్రేక్షకులను రవితేజ ఆకట్టుకుంటారో? లేదో? అనే విషయం తెలియాలంటే మరికొన్ని రోజులు పాటు ఎదురు చూడాల్సిందే.
తెలుగు వార్త విశేషాలు సులభముగా తెలుసుకోండి!!!!
