‘రంగస్థలం’ వల్ల వారికి భారీ నష్టం

మెగా పవర్‌ స్టార్‌ రామ్‌ చరణ్‌, సుకుమార్‌ల కాంబినేషన్‌లో తెరకెక్కిన ‘రంగస్థలం’ చిత్రం భారీ విజయాన్ని సొంతం చేసుకున్న విషయం తెల్సిందే.తెలుగు రాష్ట్రాలతో పాటు పక్క రాష్ట్రాల్లో మరియు ఓవర్సీస్‌లో ఈ చిత్రం దుమ్ము దుమ్ముగా కలెక్షన్స్‌ను వసూళ్లు చేసింది.

 Rangasthalam Amazon Prime Video-TeluguStop.com

ఇంతటి భారీ వసూళ్లు సాధించిన ఈ చిత్రం డిజిటల్‌ రైట్స్‌ను అమెజాన్‌ భారీ మొత్తానికి కొనుగోలు చేయడం జరిగింది.ఈ మద్య స్టార్‌ హీరోల సినిమాల డిజిటల్‌ రైట్స్‌ను అమెజాన్‌ భారీ మొత్తాలకు కొనుగోలు చేస్తూ ఉంది.

అన్ని సినిమాల మాదిరిగానే రంగస్థలం చిత్రంపై వచ్చిన అంచనాలు మరియు సాధించిన విజయం నేపథ్యంతో భారీ మొత్తంను వ్యచ్చించడం జరిగింది.

‘రంగస్థలం’ చిత్రం తమకు భారీగా వసూళ్లు చేసి పెడుతుందని భావించిన అమెజాన్‌కు ఊహించని షాక్‌ ఎదురైనట్లుగా సినీ వర్గాల్లో గుసగుసలు వినిపిస్తున్నాయి.రంగస్థలం విడుదలైన అయిదు వారాల్లోనే అమెజాన్‌లో ప్రైమ్‌ వీడియో విడుదల చేయడం జరిగింది.ప్రైమ్‌ వీడియోను ఫ్రీగా చూసే అవకాశం లేదు.

సినిమాను చూడాలి అంటే ప్రేక్షకులు కొంత మొత్తంలో డబ్బులు చెల్లించాల్సి ఉంటుంది.అలా చెల్లించగా వచ్చే మొత్తం పూర్తిగా అమెజాన్‌ ఖాతాలోకి వెళ్తుంది.

కాని రంగస్థలం చిత్రాన్ని అమెజాన్‌ ప్రైమ్‌ వీడియోలో చూసేందుకు ప్రేక్షకులు పెద్దగా ఆసక్తి చూపడం లేదు.
సినిమాపై వచ్చిన అంచనాలు మరియు క్రేజ్‌ నేపథ్యంలో అమెజాన్‌ ఫ్యాన్సీ రేటుకు కొనుగోలు చేసింది.

అయితే ఆ మొత్తంలో సగం కూడా వచ్చే పరిస్థితి లేదని, ఓవర్సీస్‌లో కాస్త పర్వాలేదు అన్నట్లుగా ఉన్నా కూడా తెలుగు రాష్ట్రాల్లో ప్రేక్షకులు ప్రైమ్‌ వీడియోలో ఖర్చు పెట్టుకుని సినిమా చూసే స్థాయికి ఎదగలేదు అంటూ కొందరు అంటున్నారు.అందుకే అమెజాన్‌కు రంగస్థలం వల్ల భారీ మొత్తంలో నష్టం తప్పదని తేలిపోయింది.

ఈ కారణంగానే అమెజాన్‌ సినిమాల కొనుగోలు విషయంలో చాలా జాగ్రత్తలు తీసుకుంటుంది

అమెజాన్‌ సినిమాల కొనుగోలుతో నిర్మాతలకు పంట పడుతుంది.చిన్నా పెద్దా అనే తేడా లేకుండా అన్ని సినిమాలను వారు తీసుకుంటున్న నేపథ్యంలో డిజిటల్‌ రైట్స్‌ ద్వారా భారీ మొత్తంలో నిర్మాతలు తమ ఖాతాలో వేసుకుంటున్నారు.

కాని తాజాగా రంగస్థలం పరిస్థితి నేపథ్యంలో ఇకపై చిన్న సినిమాలను కొనుగోలు చేసేందుకు సైతం అమెజాన్‌ వెనుకంజ వేసే అవకాశం ఉంది.అమెజాన్‌ ప్రైమ్‌ వీడియోను తెలుగు రాష్ట్రాల్లో భారీ ఎత్తున చూడాలి అంటే ఇంకాస్త సమయం పట్టే అవకాశం ఉందని సినీ విశ్లేషకులు అభిప్రాయం వ్యక్తం చేస్తున్నారు.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube