టాలీవుడ్ యంగ్ హీరో రానా దగ్గుబాటి బాహుబలి చిత్రంతో ఎలాంటి గుర్తింపును తెచ్చుకున్నాడో అందరికీ తెలిసిందే.ఈ సినిమాలో రానా చేసిన యాక్టింగ్‌కు ప్రేక్షకులు ఫిదా అయ్యారు.
ఇక బాహుబలి చిత్రం తరువాత రానా తిరిగి వెనక్కి చూసుకోలేదు.ఇక ఆ తరువాత వరుసబెట్టి సినిమాలు చేస్తూ దూసుకుపోతున్న రానా, ప్రస్తుతం అరణ్య అనే సినిమాలో నటిస్తున్నాడు.
ఇప్పటికే షూటింగ్ పూర్తి చేసుకున్న ఈ సినిమా రిలీజ్‌కు రెడీ అయ్యింది.
పూర్తి వైవిధ్యమైన కథాంశంతో తెరకెక్కిన ఈ సినిమా ఫస్ట్ లుక్ పోస్టర్స్, టీజర్, ట్రైలర్లు ప్రేక్షకులు అమితంగా ఆకట్టుకున్నాయి.
కాగా ఈ సినిమాలో రానా చాలా డిఫరెంట్ గెటప్‌లో కనిపిస్తున్నాడు.అయితే ఈ గెటప్ కోసం రానా చాలా సన్నబడ్డాడు.
కాగా ఈ సినిమాలో ఏనుగులను సంరక్షించే వ్యక్తిగా రానా కనిపిస్తాడు.ఇందులో భాగంగా ఆయన ఏనుగుల తొండాలను మోస్తూ మనకు కనిపిస్తాడని, ఈ షూటింగ్‌లో పాల్గొనడం చాలా కష్టంగా ఉండేదని ఆయన తెలిపాడు.
ఏనుగు తొండం ఏకంగా 160-170 కిలోల బరువు ఉండటంతో ఈ సినిమా షూటింగ్ సమయంలో చాలా కష్టపడ్డానని ఆయన అన్నాడు.
బాహుబలి చిత్రంలో పాల్గొనడం కంటే అరణ్య సినిమా షూటింగ్ సమయంలోనే తాను చాలా ఇబ్బంది పడ్డానని రానా చెప్పుకొచ్చాడు.
ఇక ఈ సినిమా అన్ని వర్గాల ప్రేక్షకులను మెప్పించడంలో పూర్తిగా సక్సెస్ అవుతుందని ఆయన ధీమా వ్యక్తం చేశారు.ఇక ఈ సినిమా ఓ మంచి సోషల్ మెసేజ్‌ను మనకు అందిస్తుండగా, ఈ సినిమాను ప్రభు సోలోమాన్ డైరెక్ట్ చేస్తున్నాడు.
పాన్ ఇండియా మూవీగా ఈ సినిమాను రిలీజ్ చేసేందుకు చిత్ర యూనిట్ రెడీ అవుతోంది.
