బాహుబలి చిత్రంతో ప్రభాస్ ఎలాంటి క్రేజ్‌ను సాధించాడో భళ్లాలదేవగా నటించిన రానా దగ్గుబాటి అంతే క్రేజ్‌ను దక్కించుకున్నాడు.ఇక ఈ సినిమా ఇచ్చిన బూస్ట్‌తో వరుసబెట్టి సినిమాలు చేస్తూ దూసుకుపోయాడు.
ఈ క్రమంలో రానా చేసిన సినిమాలు ప్రేక్షకులను మెప్పించడంలో పూర్తిగా సక్సెస్ అయ్యాయి.కాగా కమర్షియల్ సక్సెస్ మాత్రం తేజ డైరెక్షన్‌లో వచ్చిన నేనే రాజు నేనే మంత్రి సినిమాతో అందుకున్నాడు.
కాగా గతంలో దర్శకుడు గుణశేఖర్ డైరెక్షన్‌లో రుద్రమదేవి సినిమాలో నటించిన రానా, ఆ తరువాత గుణశేఖర్‌తో మరో భారీ బడ్జెట్ సినిమాను ప్లాన్ చేశాడు.
హిరణ్యకశిప అనే భారీ చిత్రానికి గుణశేఖర్ ఎప్పటినుండో ప్లాన్ చేస్తున్నాడు.
కాగా గతకొన్నేళ్లుగా ఈ సినిమాను ప్రారంభించాలని చూస్తున్న గుణశేఖర్, కొన్ని కారణాల వల్ల వాయిదా వేస్తూ వస్తున్నాడు.అయితే ఇటీవల రానాతో కలిసి ఈ సినిమాను ప్రారంభించేందుకు గుణశేఖర్ సిద్ధమయ్యాడు.
పెరుగుతున్న బడ్జెట్‌తో పాటు భారీగా తీయాలనే ఆశతో ఈ సినిమా అసలు పట్టాలెక్కుతుందో లేదో అనే సందేహం అందరిలో మొదలైంది.కాగా తాజాగా ఈ సినిమాపై ప్రొడ్యూసర్ సురేష్ బాబు క్లారిటీ ఇచ్చాడు.
/br>
ఈ సినిమా ఆగిలపోలేదని, ప్రస్తుతం ప్రీప్రొడక్షన్ పనులు జరుగుతున్నాయని ఆయన తెలిపాడు.భారీ బడ్జెట్‌తో తెరకెక్కుతున్న ఈ సినిమాను ఖచ్చితంగా తెరకెక్కిస్తామని ఆయన తేల్చి చెప్పాడు.
దీంతో హిరణ్యకశిప సినిమా ఇంకా బతికే ఉందని తేలిపోయింది.ఇక ఈ సినిమాను భారీ బడ్జెట్‌తో తెరకెక్కించేందుకు చిత్ర యూనిట్ రెడీ అవుతోంది.
