టాలీవుడ్ క్రేజీ డైరెక్టర్ పూరీ జగన్నాథ్ తెరకెక్కిస్తున్న లేటెస్ట్ మూవీ ఫైటర్ ఇప్పటికే షూటింగ్ జరుపుకుంటున్న సంగతి తెలిసిందే.కాగా ఈ డైరెక్టర్ నిర్మాతగా మారి తన కొడుకుతో రొమాంటిక్ అనే సినిమాను తెరకెక్కిస్తున్నాడు.
ఈ సినిమాతో ఆకాష్ పూరీ ఎలాగైనా సక్సెస్ కొట్టాలని చూస్తున్నాడు.అయితే పూరీ ఈ సినిమాకు కథను అందిస్తుండటంతో పూర్తి రొమాంటిక్ ఎంటర్‌టైనర్‌గా ఈ సినిమా వస్తుందని చిత్ర పోస్టర్స్ చూస్తే తెలుస్తోంది.
కాగా ఈ సినిమాలో సీనియర్ హీరోయిన్ రమ్యకృష్ణ ఓ కీలక పాత్రలో నటిస్తుందని చిత్ర యూనిట్ తెలిపింది.అయితే ఈ సినిమాలో రమ్యకృష్ణ చేసేది ఎలాంటి పాత్ర అనే ఆసక్తి సర్వత్రా నెలకొంది.
కాగా ఈ సినిమాలో ఆమె చేయబోయేది విలన్ పాత్రనా లేక హీరో తల్లి పాత్రా అనేది చాలా క్యూరియాసిటీని పెంచింది.అయితే రమ్యకృష్ణ ఈ సినిమాలో హీరో తల్లి పాత్రలోనే నటిస్తుందని తెలుస్తోంది.
ఈ సినిమాలో ఆకాష్ పూరీ యాక్షన్ ప్రేక్షకులను ఖచ్చితంగా మెప్పిస్తుందని చిత్ర యూనిట్ అంటోంది.
అటు ఈ సినిమాలో ఆకాష్ పూరీ సరసన కేతిక శర్మ హీరోయిన్‌గా నటిస్తోండగా, అనిల్ పాదూరి అనే కొత్త దర్శకుడు ఈ సినిమాను డైరెక్ట్ చేస్తున్నాడు.
ఈ సినిమాను పూరీ కనెక్ట్ బ్యానర్‌పై పూరీ-ఛార్మీ సంయుక్తంగా ప్రొడ్యూస్ చేస్తున్నారు.మరి ఈ సినిమాలో రమ్యకృష్ణ ఎలాంటి పాత్రలో మనకు కనిపిస్తుందో, ఆమె పాత్రకు ఎలాంటి ప్రాముఖ్యత ఉందో తెలియాలంటే మాత్రం సినిమా రిలీజ్ అయ్యే వరకు ఆగాల్సిందే.
