ప్రస్తుతం టాలీవుడ్ లో మాటల మాంత్రికుడు త్రివిక్రమ్ శ్రీనివాస్ దర్శకత్వం వహిస్తున్నటువంటి ఓ చిత్రంలో టాలీవుడ్ యంగ్ టైగర్ జూనియర్ ఎన్టీఆర్ హీరోగా నటిస్తున్న సంగతి అందరికి తెలిసిందే.ఇప్పటికే ఈ చిత్రానికి సంబంధించి అధికారిక ప్రకటన కూడా చిత్ర యూనిట్ సభ్యులు చేశారు.
ఇందులో భాగంగా ఈ చిత్రాన్ని వచ్చే ఏడాది వేసవిలో విడుదల చేస్తున్నట్లు కూడా తెలిపారు.అయితే ఈ విషయం ఇలా ఉండగా ప్రస్తుతం సోషల్ మీడియా మాధ్యమాల్లో ఈ చిత్రానికి సంబంధించి ఓ వార్త తెగ హల్ చల్ చేస్తోంది.
అయితే ఇంతకీ ఆ వార్త ఏంటంటే అప్పట్లో నా అల్లుడు చిత్రంలో జూనియర్ ఎన్టీఆర్ అత్త పాత్రలో నటించినటువంటి రమ్యకృష్ణ ఈ సారి మళ్లీ త్రివిక్రమ్ సినిమాలో అదే పాత్ర పోషించనున్నట్లు సమాచారం.కాగా పాత్ర ఏదైనా సరే తనదైన శైలిలో ఆకట్టుకుంటూ ఆ పాత్రకు వంద శాతం న్యాయం చేసేటువంటి రమ్యకృష్ణ కచ్చితంగా ప్రేక్షకులను మెప్పిస్తుందని పలువురు అభిప్రాయం వ్యక్తం చేస్తున్నారు.
కాగా ఈ చిత్రానికి సంబంధించి న టైటిల్ ఈ విషయంలో కూడా పలు కథనాలు వినిపిస్తున్నాయి.ఇందులో ముఖ్యంగా ఇప్పటికే “అయిననూ హస్తినకు పోయి రావలే…” అనే టైటిల్ ని ఖరారు చేసినట్లు టాలీవుడ్ సినీ వర్గాలు బలంగా చర్చించుకుంటున్నాయి.
కాగా ఈ చిత్రాన్ని ప్రకటించి దాదాపుగా రెండు నెలల సమయం కావొస్తున్నప్పటికే చిత్ర యూనిట్ సభ్యులు మాత్రం టైటిల్ పై స్పష్టత ఇవ్వడంలేదు.దీంతో యంగ్ టైగర్ అభిమానులు కొంతమేర నిరాశకు గురవుతున్నారు.
ఈ విషయం ఇలా ఉండగా ప్రస్తుతం జూనియర్ ఎన్టీఆర్ టాలీవుడ్ ప్రముఖ దర్శకుడు ఎస్ఎస్ రాజమౌళి దర్శకత్వం వహిస్తున్నటువంటి ఆర్ఆర్ఆర్ అనే చిత్రంలో హీరోగా నటిస్తున్నాడు.ఇప్పటికే ఈ చిత్రానికి సంబంధించి పలు కీలక సన్నివేశాల చిత్రీకరణ కూడా పూర్తయినట్లు సమాచారం.
దీంతో తొందర్లోనే త్రివిక్రమ్ మరియు జూనియర్ ఎన్టీఆర్ల కొత్త సినిమా పనులు ప్రారంభం కానున్నట్లు తెలుస్తోంది.
