మెగా పవర్ స్టార్ రామ్ చరణ్ నటిస్తున్న బిగ్గెస్ట్ మల్టీస్టారర్ మూవీ ఆర్ఆర్ఆర్ కోసం యావత్ ప్రేక్షకులు ఎంతో ఆసక్తిగా చూస్తున్నారు.దర్శకుడు రాజమౌళి డైరెక్ట్ చేస్తున్న ఈ మూవీలో చరణ్ అల్లూరి సీతారామరాజు పాత్రలో నటిస్తున్నాడు.
ఇక మరోవైపు మెగాస్టార్ చిరంజీవి నటిస్తున్న ఆచార్య సినిమాలో ఓ కేమియో పాత్రలో నటించేందుకు చరణ్ ఒప్పుకున్నాడు.
స్టార్ డైరెక్టర్ కొరటాల శివ డైరెక్ట్ చేస్తున్న ఈ సినిమా పూర్తి కమర్షియల్ ఎంటర్‌టైనర్‌గా రానుంది.
ఈ సినిమాలో మెగాస్టార్ చిరంజీవి సరికొత్త గెటప్‌లో కనిపించనున్నాడు.అయితే ఈ సినిమాలో చరణ్ ఓ ఉద్యమ నాయకుడి పాత్రలో నటిస్తాడని, చిరంజీవికి దశానిర్ధేశం చేసే క్రమంలో చరణ్ తన ప్రాణాలను కోల్పోతాడని తెలుస్తోంది.
చిరంజీవి కోసం ఇలా ప్రాణాలు అర్పించే సీన్ ప్రేక్షకులను ఏడిపించడం ఖాయమని చిత్ర యూనిట్ అంటోంది.
అయితే ఈ సినిమా షూటింగ్ ప్రస్తుతానికి వాయిదా పడింది.
కాజల్ అగర్వాల్ హీరోయిన్‌గా నటిస్తున్న ఈ సినిమాను దసరా కానుకగా రిలీజ్ చేయాలని చూస్తున్నారు.
