చరణ్ ట్రిపుల్ ధమాకా కోసం సిద్ధంగా ఉండండి..

మెగా పవర్ స్టార్ రామ్ చరణ్ నుండి ట్రిపుల్ ట్రీట్ అందనుంది.

ఈయన నటించిన మూడు సినిమాలు చాలా తక్కువ గ్యాప్ తో ఈ ఏడాది లోనే విడుదల కానున్నాయి.

ఈ విషయాన్నీ దిల్ రాజు మెగా అభిమానులకు చెప్పి వారిని సంతోష పరిచాడు.నిన్న రాత్రి కీర్తి సురేష్ నటించిన గుడ్ లక్ సఖి సినిమా ప్రీ రిలీజ్ ఈవెంట్ జరిగిన విషయం తెలిసిందే.

నాగేష్ కుకునూర్ దర్శకత్వం వహించిన ఈ సినిమాను ఈ నెల 28న విడుదల చేస్తున్నట్టు ప్రకటించారు.ఈ నేపథ్యంలో నిన్న రాత్రి ఈ సినిమా ప్రీ రిలీజ్ ఈవెంట్ చేసారు.

ఈ ఈవెంట్ కు ముఖ్య అతిధిగా రామ్ చరణ్ తేజ్ వచ్చారు.ఈ ఈవెంట్ లో దిల్ రాజు మాట్లాడుతూ చరణ్ సినిమాల గురించి ఒక ఎగ్జైటింగ్ వార్తను మెగా అభిమానులకు షేర్ చేయడంతో వారు ఫుల్ ఖుషీగా ఉన్నారు.

దిల్ రాజు మాట్లాడుతూ.రామ్ చరణ్ అభిమానులు చాలా ఎగ్జైటింగ్ గా ఉన్నారు.

ఏడాది గ్యాప్ లో చరణ్ నుండి మూడు కొత్త థియేట్రికల్ రిలీజ్ లు ఉండనున్నాయి.ట్రిపుల్ ఆర్, ఆచార్య, ఆర్సీ15.

ఈ మూడు సినిమాలు కూడా ఏడాది గ్యాప్ లోనే రిలీజ్ అవ్వనున్నాయి.చరణ్ నుండి కొన్ని హై ఆక్టేన్ యాక్షన్ మూవీస్ కోసం సిద్ధంగా ఉండండి అంటూ దిల్ రాజు తెలిపారు.