మెగా పవర్ స్టార్ రామ్ చరణ్ పాన్ ఇండియా డైరెక్టర్ శంకర్ దర్శకత్వంలో ఒక సినిమా చేయబోతున్న విషయం విదితమే.శంకర్ డైరెక్ట్ తెలుగు సినిమా చేయాలనీ ఎప్పటి నుండో ప్రయత్నిస్తున్న నేపథ్యంలో ఇప్పటికి రామ్ చరణ్ సినిమాతో డైరెక్ట్ తెలుగు సినిమా చేయబోతున్నాడు.
ఈయన సినిమాలు ఎలా ఉంటాయో ప్రత్యేకంగా చెప్పాల్సిన పని లేదు.అందుకే ఈ సినిమా అనౌన్స్ చేసినప్పటి నుండి ఈ సినిమాపై అంచనాలు ఒక రేంజ్ లో పెరిగాయి.
ఈ సినిమాను దిల్ రాజు, శిరీష్ సంయుక్తంగా భారీ బడ్జెట్ తో పాన్ ఇండియా సినిమాగా నిర్మించ బోతున్నారు.ఇటీవలే పూజా కార్యక్రమాలతో గ్రాండ్ గా ఈ సినిమాను లాంచ్ చేసారు.
ఇక ఈ సినిమా ఎలాంటి కాన్సెప్ట్ తో తెరకెక్కుతుంది రామ్ చరణ్ ఎలా కనిపిస్తాడా అని అభిమానులు ఆతృతగా ఎదురు చూస్తున్నారు.ఈ విషయంపై ప్రెసెంట్ సోషల్ మీడియాలో రచ్చ మొదలయ్యింది.
ఈ సినిమాలో శంకర్ కార్పొరేట్ సంస్థలు భారతీయ చట్టాలను అడ్డు పెట్టుకుని ఎలా కోట్లు సమాధిస్తున్నాయో అనే విషయాన్నీ చూపించ బోతున్నారని చర్చ జరుగుతుంది.ఇలా అక్రమ మార్గాల్లో సంపాదించాలని అనుకునే వారికీ బుద్ధి చెప్పడానికి రామ్ చరణ్ రంగం లోకి దిగుతున్నాడని వార్తలు వస్తున్నాయి.అయితే ఈ విశాలన్నిటిపై క్లారిటీ రావాలంటే మరికొద్ది రోజులు వేచి ఉండాల్సిందే.
ఇక రామ్ చరణ్ రాజమౌళి దర్శకత్వంలో నటించిన ”ఆర్ఆర్ఆర్” సినిమా షూటింగ్ పూర్తి చేసుకుని విడుదలకు సిద్ధంగా ఉంది.
ఈ సినిమా త్వరలోనే విడుదల తేదీని ప్రకటించ బోతున్నారు.ఈ సినిమాలో చరణ్ తో పాటు ఎన్టీఆర్ కూడా ప్రధాన పాత్రలో నటిస్తున్నాడు.ఇందులో చరణ్ అల్లూరి సీతారామరాజుగా నటిస్తుంటే.ఎన్టీఆర్ కొమరం భీం గా నటిస్తున్నాడు.
ఈ సినిమా కోసం ఆల్ ఓవర్ ఇండియా ఎదురు చూస్తుంది.