మెగా పవర్ స్టార్ రామ్ చరణ్ ప్రస్తుతం టాలీవుడ్ ప్రెస్టీజియస్ మల్టీస్టారర్ మూవీ ఆర్ఆర్ఆర్‌లో నటిస్తున్న సంగతి తెలిసిందే.ఈ సినిమాను దర్శకధీరుడు రాజమౌళి తెరకెక్కిస్తుండటంతో ఈ సినిమాపై అంచనాలు ఓ రేంజ్‌లో క్రియేట్ అయ్యాయి.
ఇక ఈ సినిమాలో యంగ్ టైగర్ ఎన్టీఆర్ కూడా నటిస్తుండటంతో ఈ సినిమా ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తు్న్నారు.ఇక ఈ సినిమాలో రామ్ చరణ్ అల్లూరి సీతారామరాజు పాత్రలో నటిస్తున్న సంగతి తెలిసిందే.
కాగా ఈ సినిమా తరువాత చరణ్ కొరటాల శివ దర్శకత్వంలో తెరకెక్కుతున్న ఆచార్య చిత్రంలో ఓ కేమియో రోల్‌లో నటిస్తున్నాడు.ఇక ఈ సినిమా తరువాత చరణ్ సోలోగా ఏ సినిమాలో నటిస్తాడా అనే అంశంపై ఇంకా క్లారిటీ రావాల్సి ఉంది.
ఇప్పటికే పలువురు డైరెక్టర్లు చెప్పిన కథలను చరణ్ విన్నాడు.కానీ ఏ కథకు ఆయన గ్రీన్ సిగ్నల్ ఇవ్వలేదు.
దీంతో చరణ్ ఎవరితో తన నెక్ట్స్ చిత్రాన్ని తెరకెక్కిస్తాడా అనేది టాక్ ఆఫ్ ది టౌన్‌గా మారింది.ఇక ఈ క్రమంలో ఓ స్టార్ డైరెక్టర్ చరణ్‌తో సినిమా చేసేందుకు రెడీ అవుతున్నట్లు తెలుస్తోంది.
దక్షిణాది స్టార్ డైరెక్టర్ శంకర్ ప్రస్తుతం ఇండియన్-2 చిత్రాన్ని తెరకెక్కిస్తున్న సంగతి తెలిసిందే.కమల్ హాసన్ లీడ్ రోల్‌లో నటిస్తున్న ఈ సినిమా కొన్ని కారణాల వల్ల వాయిదా పడింది.
దీంతో శంకర్ తన నెక్ట్స్ చిత్రాన్ని రామ్ చరణ్‌తో తెరకెక్కించేందుకు ప్లాన్ చేస్తున్నాడు.ఇప్పటికే ఈ మేరకు చరణ్‌తో చర్చలు కూడా జరిపాడట శంకర్.
అయితే దీనికి సంబంధించిన అఫీషియల్ అనౌన్స్‌మెంట్ మాత్రం రాలేదు.దీంతో చరణ్-శంకర్ కాంబోలో సినిమా గురించి వస్తున్న వార్తలు కేవలం పుకార్లేనని చిత్ర వర్గాలు అంటున్నాయి.
మరి చరణ్ తన నెక్ట్స్ చిత్రాన్ని నిజంగానే శంకర్‌తో తెరకెక్కిస్తాడా లేదా అనేది చర్చనీయాంశంగా మారింది.ఏదేమైనా చరణ్-శంకర్ కాంబోలో ఓ సినిమా పడితే అది ఇండియన్ బాక్సాఫీస్ వద్ద సరికొత్త రికార్డులు క్రియేట్ చేయడం ఖాయమని అభిమానులు అంటున్నారు.
