మెగా పవర్ స్టార్ రామ్ చరణ్ ప్రస్తుతం దర్శకధీరుడు రాజమౌళి తెరకెక్కిస్తున్న ప్రెస్టీజియస్ మల్టీస్టారర్ మూవీ ఆర్ఆర్ఆర్లో నటిస్తోన్న సంగతి తెలిసిందే.ఈ సినిమాతో మరోసారి బాక్సాఫీస్ను షేక్ చేసేందుకు చరణ్ అండ్ టీమ్ రెడీ అవుతున్నారు.
కాగా ఈ సినిమాలో చరణ్తో పాటు యంగ్ టైగర్ ఎన్టీఆర్ కూడా నటిస్తుండటంతో ఈ సినిమా ఎలాంటి విజయాన్ని అందుకుంటుందా అని అందరూ చూస్తున్నారు.ఇక ఆర్ఆర్ఆర్ తరువాత చరణ్ ఏ సినిమా చేస్తాడనే విషయంపై ఇప్పటి వరకు ఎలాంటి క్లారిటీ లేదు.
ప్రస్తుతం మెగాస్టార్ చిరంజీవి నటిస్తున్న ‘ఆచార్య’ చిత్రంలో ఓ కేమియో పాత్రలో చరణ్ నటిస్తున్నాడు.ఈ సినిమాను స్టార్ డైరెక్టర్ కొరటాల శివ డైరెక్ట్ చేస్తుండటంతో, చరణ్తో కలిసి కొరటాల ఓ సినిమా చేసేందుకు గతంలో ఒప్పుకున్నాడు.
కానీ ఇటీవల కొరటాల తన నెక్ట్స్ మూవీని స్టైలిష్ స్టార్ అల్లు అర్జున్తో తెరకెక్కిస్తున్నట్లు ప్రకటించడంతో చరణ్ అయోమయంలో పడిపోయాడు.ఇక మరో డైరెక్టర్ వంశీ పైడిపల్లి చరణ్తో కలిసి ఓ సినిమా చేసేందుకు గతకొంత కాలంగా ప్రయత్నిస్తున్నాడు.
అయితే చరణ్ మాత్రం వంశీకి ఎలాంటి రెస్పాన్స్ ఇవ్వలేదు.ఇక మరో యంగ్ డైరెక్టర్ వెంకీ కుడుమల కూడా తన నెక్ట్స్ చిత్రాన్ని రామ్ చరణ్తో తెరకెక్కించేందుకు ఆయనకు ఓ కథను వినిపించాడట.
కాగా చరణ్ నుండి గ్రీన్ సిగ్నల్ కోసం ఆయన ఎదురుచూస్తున్నట్లు తెలుస్తోంది.మరి చరణ్ ఈ ఇద్దరు డైరెక్టర్స్లో ఎవరికి ఛాన్స్ ఇస్తాడా, తన నెక్ట్స్ చిత్రాన్ని ఎవరితో కలిసి చేస్తాడా అనేది ఆసక్తికరంగా మారింది.
ఇక ఆర్ఆర్ఆర్లో చరణ్ అల్లూరి సీతారామరాజు పాత్రలో నటిస్తోన్న సంగతి తెలిసిందే.