ఒకప్పుటి కాలంలో సినిమా పరిశ్రమలో సినీ బ్యానర్ లు చాలా తక్కువగా ఉండేవి.తద్వారా ఉన్న కొద్ది మంచి బ్యానర్ లలో మాత్రమే హీరోలు సినిమాలు చేసే వారు.
మొదట్లో హీరోలకు సొంత బ్యానర్ లు లేకపోవడంతో ఇతర బ్యానర్ లలోనే సినిమాలు చేసే వారు.కాని ఇక హీరో లుగా మంచి స్టార్ డమ్ అందుకున్న తరువాత ఇక చాలా మంది హీరోలు తమ స్వంత బ్యానర్ లను ప్రారంభించారు.
కాని అందరూ తమ తమ సొంత బ్యానర్ లలో సూపర్ హిట్ చిత్రాలను తీసుకోలేకపోయారు.ఆ కోవలోకే వస్తుంది మెగా ఫ్యామిలీ.
మొదట నాగబాబు నిర్మాతగా అంజనా ప్రొడక్షన్స్ ప్రారంభించి రుద్రవీణ, త్రినేత్రుడు, ముగ్గురు మొనగాళ్లు సినిమాలు తీసినా అంజనా ప్రొడక్షన్స్ కు మాత్రం సూపర్ హిట్ ఇవ్వలేక పోయారు.
ఆ తరువాత రామ్ చరణ్ తో ఆరెంజ్ సినిమా నిర్మించినా ఆ సినిమా కూడా డిజాస్టర్ గా నిలవడమే కాకుండా నాగబాబు తీవ్ర అప్పుల ఊబిలోకి దింపిందనే చెప్పవచ్చు.
ఇక మెగా ఫ్యామిలీకి ప్రొడక్షన్ బ్యానర్స్ అచ్చి రావు అనే పేరు బలంగా పడిపోయింది.అయితే చిరంజీవి రీ ఎంట్రీ ఇస్తున్న సమయంలో కత్తి రీమేక్ గా విడుదలైన ఖైదీ నెం.150 సినిమాను రామ్ చరణ్ కొణిదెల ప్రొడక్షన్స్ ను స్థాపించి కొణిదెల ప్రొడక్షన్స్ లో ఈ సినిమాను విడుదల చేసారు.ఇక ఈ సినిమా బ్లాక్ బస్టర్ అవడమే కాకుండా కలెక్షన్ ల సునామీని సృష్టించిన విషయం తెలిసిందే.
ఇక సైరా సినిమాను కూడా విడుదల చేసి ఎంతో కొంత విజయం సాధించింది.ఏది ఏమైనా మెగా ఫ్యామిలీ ని ప్రొడక్షన్ విషయం కలిసి రాదన్న విమర్శకుల నోళ్లు మూయించి సరికొత్త రికార్డు సృష్టించాడని చెప్పవచ్చు.