టాలీవుడ్ లో నెంబర్ వన్ దర్శకుడుగా తిరుగులేని ఇమేజ్ ని సొంతం చేసుకున్న దర్శక దిగ్గజం రాజమౌళి.కేవలం టాలీవుడ్ లోనే కాకుండా దేశ వ్యాప్తంగా ఉన్న గొప్ప దర్శకుల జాబితాలో రాజమౌళి టాప్ 5లో ఉండటం పక్కా అని చెప్పాలి.
తన ప్రతీ సినిమాకి తండ్రే కథ అందిస్తూ ఉండతాడు.ఒకసారి తండ్రి కథ చెప్పిన తర్వాత దాని మీద దర్శకుడుగా రాజమౌళి సుదీర్ఘంగా వర్క్ చేస్తాడు.
విజువల్ గా తెరపై ఎంత అద్భుతంగా సన్నివేశాలని, హీరోయిజం ఆవిష్కరించాలి అనే విషయాలపై ఆలోచిస్తూ ఉంటాడు.అలాగే ప్రస్తుతం తెరకెక్కిస్తున్న ఆర్ఆర్ఆర్, గతంలో తీసిన బాహుబలి సినిమాలు రాజమౌళి 20 ఏళ్ల కల అనే విషయం తాజాగా రాజీవ్ కనకాల చెప్పుకొచ్చారు.
ఇండస్ట్రీలో రాజమౌళి, రాజీవ్ కనకాల మంచి ఆప్తులు రాజమౌళి కెరియర్ స్టార్ట్ చేసిన శాంతి నివాసం సీరియల్ లో రాజీవ్ కనకాల హీరో.ఆ తరువాత కూడా రాజమౌళి సినిమాలలో రాజీవ్ కనకాల కీలక పాత్రలు చేస్తూ వచ్చారు.
తాజాగా ఓ ఇంటర్వ్యూలో రాజమౌళి క్రియేటివ్ థాట్స్ గురించి రాజీవ్ కనకాల ఆసక్తికర విషయాలని పంచుకున్నాడు. స్టూడెంట్ నెం.1 సినిమా చేస్తున్న సమయంలోనే అప్పుడప్పుడు భారీ యాక్షన్ సన్నివేశాలు గ్రాఫిక్స్ సంబంధించిన విషయాలను రాజమౌళి వివరించే వాడు.అప్పుడు నాకు చెప్పిన చాలా సీన్స్ బాహుబలిలో చూపించాడు.20 ఏళ్ల నుండి ఆయన మనసులో నాటుకుని ఉన్న సీన్స్ ను బాహుబలిలో అద్బుతంగా ప్రజెంట్ చేశాడంటూ రాజీవ్ కనకాల చెప్పుకొచ్చాడు.చాలా కాలం క్రితం నుండి బాహుబలి కథ రాజమౌళి, ఆయన తండ్రి మద్య చర్చ జరుగుతూ వచ్చిందని రాజీవ్ కనకాల మాటలతో బయట పెట్టాడు.
అన్ని సంవత్సరాల సంఘర్షణ కనుక బాహుబలి ఇండియాస్ బిగ్గెస్ట్ విజువల్ వండర్ గా నిలిచిందని చెప్పక తప్పదు.
తెలుగు వార్త విశేషాలు సులభముగా తెలుసుకోండి!!!!
