టాలీవుడ్ జక్కన్న రాజమౌళి దర్శకత్వంలో రూపొందుతున్న ఆర్‌ఆర్‌ఆర్‌ సినిమా 2021 సంక్రాంతికి విడుదల అవ్వాల్సి ఉంది.కాని కరోనా కారణంగా మొత్తం ప్లానింగ్ తలకిందులు అయ్యింది.
సినిమా షూటింగ్ ను జరుపలేక పోయారు.ఇటీవలే షూటింగ్ పునః ప్రారంభం అయ్యింది.
మార్చి వరకు షూటింగ్ పూర్తి అవుతుందని ఇండస్ట్రీ వర్గాల వారు చెబుతున్నారు.రికార్డు స్థాయి బడ్జెట్‌ తో రూపొందుతున్న ఈ సినిమా షూటింగ్ శరవేగంగా జరుగుతోంది.
మరో వైపు వీఎఫ్‌ఎక్స్‌ వర్క్‌ కూడా జరుగుతోందని యూనిట్‌ సభ్యులు చెబుతున్నారు.ఈ సినిమా విడుదల విషయంలో ఎలాంటి క్లారిటీ ఇప్పటి వరకు లేదు.
కాని యూనిట్‌ సభ్యుల నుండి అందుతున్న సమాచారం ప్రకారం సినిమా విడుదల తేదీని మార్చిలో ప్రకటించబోతున్నారు అంటున్నారు.
యూనిట్‌ సభ్యులు చెబుతున్న దాని ప్రకారం ప్రస్తుతం షూటింగ్ పనులతో బిజీగా ఉన్న దర్శకుడు రాజమౌళి సినిమా విడుదల తేదీ విషయంలో ఎలాంటి నిర్ణయాన్ని తీసుకోవడం లేదు.షూటింగ్ పూర్తి అయిన తర్వాత వీఎఫ్‌ఎక్స్‌ వర్క్‌ ఎంత టైం పడుతుంది అనే విషయాన్ని చర్చించి ఆ తర్వాత విడుదల తేదీపై నిర్ణయం తీసుకుంటారు.మరో వైపు థియేటర్ల విషయంలో కూడా మార్చి వరకు క్లారిటీ వస్తుందని ఆయన భావిస్తున్నాడు.
అందుకే ఆ సమయంలో నిర్ణయం తీసుకుంటే అంతా బాగుంటుందని యూనిట్‌ సభ్యులు కూడా భావిస్తున్నారట.మార్చి తర్వాత షూటింగ్ కు గుమ్మడి కాయ కొట్టడం ఖాయం.కనుక షూటింగ్ పూర్తి అయిన నాలుగు అయిదు నెలల్లోనే ఖచ్చితంగా సినిమా వస్తుందని మాత్రం చాలా మంది అంటున్నారు.అంటే దసరాకు సినిమా విడుదల అయ్యే అవకాశం ఉందని కొందరు అంటున్నారు.
ఎన్టీఆర్‌, రామ్‌ చరణ్‌ లు కలిసి నటించడంతో పాటు బాలీవుడ్ స్టార్స్‌ హాలీవుడ్‌ టెక్నీషియన్స్ ఈ సినిమాకు వర్క్‌ చేయడం వల్ల వెయ్యి కోట్లకు పైగా వసూళ్లు సాధిస్తుందని అంతా నమ్మకంగా ఉన్నారు.
తెలుగు వార్త విశేషాలు సులభముగా తెలుసుకోండి!!!!
