రాజమౌళి డైరక్షన్ లో ప్రభాస్ హీరోగా వచ్చిన సూపర్ హిట్ మూవీ ఛత్రపతి. ప్రభాస్ కు స్టార్ ఇమేజ్ తెచ్చిన సినిమా అదే.
ప్రస్తుతం ఈ సినిమాను హిందీలో రీమేక్ చేస్తున్నాడు బెల్లంకొండ శ్రీనివాస్.పెన్ స్టూడియోస్ బ్యానర్ లో జయంతి లాల్ గడా ఈ సినిమాను నిర్మిస్తున్నారు.ఈ రీమేక్ సినిమాకు వి.వి.వినాయక్ డైరక్షన్ చేస్తున్నారు.హిందీలో మేకింగ్ కు తగినట్టుగా విజయేంద్ర ప్రసాద్ స్క్రిప్ట్ లో మార్పులు చేశారు.
ఈ సినిమా నేడు పూజా కార్యక్రమాలు జరుపుకుంది.ఈ కార్యక్రమానికి రాజమౌళి అటెండ్ అయ్యారు.తన సినిమా రీమేక్ కు తనే క్లాప్ కొట్టారు రాజమౌళి.సినిమా మంచి విజయాన్ని అందుకోవాలని ఆకాంక్షించారు.
బెల్లంకొండ శ్రీనివాస్ సినిమాలకు బాలీవుడ్ లో మంచి డిమాండ్ ఉంది.అతను నటించిన యాక్షన్ మూవీస్ యూట్యూబ్ లో రికార్డ్ వ్యూస్ రాబట్టాయి.
అందుకే పక్కా మాస్ ఎంటర్టైనర్ అయిన ఛత్రపతి సినిమాను హిందీలో రీమేక్ చేయాలని ఫిక్స్ అయ్యారు.వినాయక్ డైరక్షన్ లో బాలీవుడ్ లో రీమేక్ అవుతున్న ఛత్రపతి సినిమాపై భారీ అంచనాల్ ఉన్నాయి.
ఈ సినిమాతో బెల్లంకొండ శ్రీనివాస్ బాలీవుడ్ మార్కెట్ పై కన్నేశారు. మరి హిందీ ఛత్రపతి తెలుగులో వచ్చిన రిజల్ట్ ను రిపీట్ చేస్తుందా లేదా అన్నది చూడాలి.
