ఐపీఎల్ 2022 సీజన్‌ చివరి దశలో క్రికెట్‌ ప్రేమికులకు కావాల్సిన అసలుసిసలైన మజా లభించింది.ఐపీఎల్-15లో భాగంగా లక్నో సూపర్ జెయింట్స్ ఓపెనర్లు క్వింటన్ డికాక్, కెఎల్ రాహుల్ లు ఆకాశమే హద్దుగా చెలరేగిపోయారు.ఈ ఇద్దరూ కలసి కేకేఆర్ తో ముంబైలోని డాక్టర్ డీవై పాటిల్ స్టేడియంలో రెచ్చిపోయి ఆడి కోల్కతా బౌలర్లకు పీడకలలు మిగిల్చారు.ఈ సందర్బంగా ఈ ఇద్దరు పలు వ్యక్తిగతంగానే గాక జట్టుగా కూడా కొత్త రికార్డులు నమోదు చేశారు.
అత్యుత్తమ ఓపెనింగ్ భాగస్వామ్యం.ముఖ్యంగా లక్నో ఓపెనర్లు డికాక్ (70 బంతుల్లో 140 నాటౌట్‌; 10 ఫోర్లు, 10 సిక్స్‌లు), కేఎల్‌ రాహుల్ (51 బంతుల్లో 68 నాటౌట్‌; 3 ఫోర్లు, 4 సిక్స్‌లు)లు ఆకాశమే హద్దుగా చెలరేగి చాలాకాలం తర్వాత అసలైన ఐపీఎల్ మజాను ప్రేక్షకులకు అందించారు.
ఐపీఎల్ చరిత్రలో డికాక్-రాహుల్ లు నెలకొల్పిన ఓపెనింగ్ భాగస్వామ్యం 210 పరుగులు.అది కూడా అజేయంగా.ఈ జాబితాలో ఇంతకుముందు సన్ రైజర్స్ హైదరాబాద్ ఓపెనర్లు జానీ బెయిర్ స్టో-డేవిడ్ వార్నర్ లు అగ్రస్థానంలో ఉన్నారు.2019లో ఈ జంట 185 పరుగుల భాగస్వామ్యం నెలకొల్పింది.అంతకుముందు గౌతం గంభీర్-క్రిస్ లిస్ లు 2017 లో.184 పరుగుల పార్ట్నర్షిప్ నమోదు చేశారు.ఐపీఎల్ చరిత్రలో తొలి జోడీగా.ఐపీఎల్ చరిత్రలోనే 20 ఓవర్ల పాటు క్రీజ్‌లో ఉన్న ఏకైక జోడీగా డికాక్-రాహుల్ జోడీ రికార్డుల్లోకెక్కింది.లీగ్‌ చరిత్రలో ఏ జోడీ కూడా మొత్తం 20 ఓవర్ల పాటు బ్యాటింగ్‌ చేయలేదు
కేకేఆర్ పై అత్యధిక ఓపెనింగ్ పార్ట్నర్షిప్. కేకేఆర్ పై రాహుల్-డికాక్ లు 210 పరుగులు జోడించారు.అంతకుముందు 2012 లో ముంబై ఇండియన్స్ తరఫున రోహిత్ శర్మ-హెర్షలీ గిబ్స్ లు 167 పరుగుల (రెండో వికెట్ కు ) భాగస్వామ్యాన్ని జోడించారు.2017 లో డేవిడ్ వార్నర్- శిఖర్ ధావన్ లు తొలి వికెట్ కు 139 పరుగులు జతచేశారు.అనంతరం కేకేఆర్ బ్యాటర్లు సైతం అద్భుతమైన పోరాట పటిమ కనబర్చడంతో మ్యాచ్‌ చివరి నిమిషం వరకు ఉత్కంఠగా సాగింది.అయితే కేకేఆర్ ఆఖరి రెండు బంతులకు రెండు వికెట్లు కోల్పోవడంతో 2 పరుగుల స్వల్ప తేడాతో మ్యాచ్‌ను చేజార్చుకుంది.
ఫలితంగా ప్రస్తుత ఐపీఎల్ సీజన్‌లో కోల్‌కథ ముగిసినట్లైంది.లక్నో దర్జాగా ప్లే ఆఫ్స్‌కు చేరుకుంది.
తెలుగు వార్త విశేషాలు సులభముగా తెలుసుకోండి!!!!
