మాస్ రాజా రవితేజ నటిస్తున్న లేటెస్ట్ మూవీ క్రాక్ ఇప్పటికే షూటింగ్ ముగించుకుని రిలీజ్‌కు రెడీగా ఉంది.ఈ సినిమాలో రవితేజ పవర్‌ఫుల్ పోలీస్ ఆఫీసర్ పాత్రలో నటిస్తుండగా, ఇప్పటికే రిలీజ్ అయిన ఈ చిత్ర టీజర్ ప్రేక్షకులను ఆకట్టుకోవడంలో సక్సెస్ అయ్యింది.
ఇక ఈ సినిమాతో మరోసారి అదిరిపోయే సక్సె్స్‌ను తన ఖాతాలో వేసుకునేందుకు రవితేజ రెడీ అవుతున్నాడు.కాగా ఈ సినిమాను దర్శకుడు గోపీచంద్ మలినేని డైరెక్ట్ చేస్తున్న సంగతి తెలిసిందే.
ఇక ఈ సినిమా తరువాత దర్శకుడు రమేష్ వర్మ డైరెక్షన్‌లో తన నెక్ట్స్ చిత్రాన్ని తెరకెక్కించేందుకు రవితేజ రెడీ అవుతున్నాడు.ఇప్పటికే ఈ సినిమాకు గ్రీన్ సిగ్నల్ ఇచ్చిన రవితేజ, ఇందులో హీరోయిన్ రాశి ఖన్నాను తీసుకుంటున్నాడంటూ వార్తలు వచ్చిన సంగతి తెలిసిందే.
దీంతో రాశికి మరోసారి హీరోయిన్‌గా నిలదొక్కుకునే అవకాశం వచ్చిందని అందరూ అనుకున్నారు.కానీ ఈ సినిమాలో రాశి ఖన్నా ఓ మెరుపుతీగలా మనకు కనిపిస్తుందని తెలుస్తోంది.
ఈ సినిమాలో ఓ ఐటెం సాంగ్‌లో చిందులేసేందుకు రాశి ఖన్నాను చిత్ర యూనిట్ సంప్రదించిందని చిత్ర వర్గాల్లో టాక్ వినిపిస్తుంది.రాశి ఖన్నా వరల్డ్ ఫేమస్ లవర్ చిత్రంతో తనకున్న క్రేజ్‌ను పూర్తిగా పోగొట్టుకుని ప్రస్తుతం సినిమలు లేకుండా ఉంది.
దీంతో ఇప్పుడు తనకు వచ్చిన ఈ స్పెషల్ సాంగ్ ఆఫర్‌ను ఆమె ఒప్పుకుంటుందా లేదా అనేది ఆసక్తికరంగా మారింది.ఇక ఈ సినిమాను వీలైనంత త్వరగా పట్టాలెక్కించేందుకు చిత్ర యూనిట్ రెడీ అవుతోంది.
