మాజీ ప్రపంచ సుందరిగా ప్రపంచవ్యాప్తంగా తనకంటూ గుర్తింపుతో పాటు ప్రియాంక చోప్రా మంచి పేరును సంపాదించుకున్నారు.మోడల్ గా కెరీర్ ప్రారంభించిన కొద్ది సమయంలోనే ప్రపంచ సుందరి కిరీటం ప్రియాంక చోప్రా సొంతమైంది.
కోలీవుడ్ ఇండస్ట్రీలో తమిళన్ అనే సినిమాతో నటిగా కెరీర్ మొదలుపెట్టిన ప్రియాంకకు బాలీవుడ్ ఇండస్ట్రీలో స్టార్ హీరోయిన్ గా గుర్తింపు వచ్చింది.
ఐత్రాజ్ అనే సినిమాలో ప్రియాంక క్రిటిక్స్ నుంచి కూడా నటనకు ప్రశంసలను అందుకున్నారు.
హృతిక్ రోషన్ కు జోడీగా ప్రియాంక చోప్రా క్రిష్ అనే సినిమాలో నటించగా ఆ సినిమాగా కమర్షియల్ గా కూడా సక్సెస్ సాధించింది.రెండు సంవత్సరాల క్రితం ప్రియాంక పాప్ సింగర్ నిక్ జోనస్ ను వివాహం చేసుకున్నారు.
అయితే తాజాగా సోషల్ మీడియాలో ప్రియాంకకు సంబంధించిన ఒక ఫోటో వైరల్ అవుతోంది.
ఆ ఫోటోలో ప్రియాంకా చోప్రా మేకప్ లేకుండా ఉండటం గమనార్హం.ప్రియాంక మేకప్ లేకుండా దిగిన ఫోటోలను సోషల్ మీడియాలో షేర్ చేయగా ఆ ఫోటోలు నెట్టింట వైరల్ అవుతున్నాయి.మేకప్ లేకుండా కూడా ప్రియాంక చోప్రా అందంగానే కనిపిస్తున్నారని నెటిజన్లు కామెంట్లు చేస్తున్నారు.
మరోవైపు గ్లోబర్ స్టార్ గా గుర్తింపును సంపాదించుకున్న ప్రియాంక చోప్రా చేతిలో వరుస ఆఫర్లు ఉన్నాయి.
ఒకవైపు సినిమాల్లో నటిస్తూనే ప్రియాంక చోప్రా యాడ్స్ లో కూడా నటించారు.
ఒకవైపు సినిమాల్లో నటిస్తూనే పలు సినిమాలకు ప్రియాంక చోప్రా నిర్మాతగా కూడా వ్యవహరిస్తున్నారు.ప్రస్తుతం ప్రియాంక వైట్ టైగర్, మ్యాట్రిక్స్, టెక్స్ట్ ఫర్ యు సినిమాలలో నటిస్తున్నారు.
ఈ సినిమాలతో పాటు ప్రియాంక చోప్రా చేతిలో మరికొన్ని సినిమాలు కూడా ఉన్నాయి.పెళ్లి తర్వాత ప్రియాంక చోప్రా సినిమాల ఎంపిక విషయంలో ఎన్నో జాగ్రత్తలు తీసుకుంటున్నారు.
నటనకు ప్రాధాన్యత ఉన్న సినిమాలను ప్రియాంక చోప్రా ఎక్కువగా ఎంచుకుంటున్నారు.